زەلەنسکی: رووسیا دخوازیت نفشەکێ ئوکراینایێ ژ ناڤ ببەت

زەلەنسکی: رووسیا دخوازیت نفشەکێ ئوکراینایێ ژ ناڤ ببەت

سەرۆکێ ئوکراینایێ «ڤۆلۆدمیر زەلەنسکی» د گۆتارەکێ د بۆ پارلامەنتۆیا «ئەستۆنیایێ» ئاشکەرا کر، ب ھەزاران کەس ل باژارێن ئوکراینایێ ھاتنە کوشتن و بوونە قوربانیێن ئێریشێن ئەسمانی یێن رووسیایێ.

ڤۆلۆدمیر زەلەنسکی ژ بۆ پارلامەنتۆیا «ئەستۆنیایێ» راگھاند، ھەتا نھا رووسیایێ چەندین جوورە بۆمبە و مووشەک ل دژی ئوکراینیان ب کار ئانینە و ب تایبەتی چەکێن قەدەغەکری، د ناڤ وان دا ژی بۆمبەیێن فۆسفۆرێ.

زەلەنسکی دیار کر، ب ھەزاران کەس ل باژارێن ئوکراینایێ بوونە قوربانیێن ئێریشێن ئەسمانی یێن رووسیایێ.

ھەروەھا ئاشکەرا کر: “ئارمانجا رووسیایێ ترساندن و بێھێڤیکرنا ئوکراینیانە، ھەول ددەت نفشەکێ ئوکراینی ژ ناڤ ببەت.”

سەرۆکێ ئوکراینایێ دبێژیت: “پێدڤە جڤاکا ناڤدەولەتی سزایێن گرانتر و توندتر ب سەر رووسیایێ دا بسەپینیت، دا کو نەچار ببیت داویێ ب ڤێ کوشتن و وێرانکاریێ بینیت.”

پوستێن ھەمان بەش