ل پارێزگەها ئەنبارێ یا رۆژئاڤایێ ئیراقێ د ئەنجاما تەقینا دو بۆمبەیێن ڤەدایی دا، دو فەرماندارێن حهشدا شهعبی هاتن کوشتن و سێ چەکدارێن دن ژی بریندار بوون.
ل گۆری ئاگاهیێن ئارتێشا ئیراقێ، بۆبەیەک ب ئۆتۆمۆبیلا ئالیکارێ فەرماندارێ لیوایا 19 یا سەر ب حهشدا شهعبی ل بیابانا پارێزگەها ئەنبارێ تەقیایە، د ئەنجاما تەقینێ دا ئەفسەرێ ب ناڤێ ئەحمەد خالد هاتییە کوشتن و سێ چەکدارێن دن یێن حهشدا شهعبی ژی بریندار بوونە.
هەروهها دەستەیا حهشدا شهعبی راگهاند، د ئەنجاما تەقینا بۆمبەیەکێ دا ل بیابانا پارێزگەها ئەنبارێ، فەرماندارێ لیوایا 14 یا سەر ب حهشدا شهعبی یێ ب ناڤێ ئەبو حەسەن هاتییە کوشتن.
ئەڤ د دەمەکێ دایە کو ژ رۆژا شەمبیا بۆری ڤە، هێزێن ئەولەهیێیێن ئیراقێ و هێزێن حهشدا شهعبی قۆناغا دویەم یا ئۆپەراسیۆنا “ئیرادەیا پۆلایین” ب ئارمانجا نههێلانا پاشمایێن رێخستنا تەرۆریستا داعشێ ل پارێزگەهێن نەینەوا، سەلاحەدین، ئەنبار دان دەستپێکرن و هەتا نها ژی بەردەوامە.