دادگه‌ها ده‌ستووری یا ئالمانيایێ د راپۆرته‌كا فه‌رمی دا، پارتییا كاركه‌رێن كوردستانێ په‌كه‌كه خستییه بال رێخستنێن ته‌رۆرێ داعش و قاعیده و ته‌كه‌ز كرییه كو په‌كه‌كه وه‌ك ڤان رێخستنان ته‌ڤدگه‌ره.
دادگه‌ها ده‌ستووری یا ئالمانیا د راپۆرته‌كێ دا كو وه‌كه پرتووك چاپ و به‌لاڤ كرییه، رادگه‌هینیت، د ده‌ما شه‌ش سالێن ده‌رباسبوویی دا رێخستنێن په‌كه‌كێ ل ئالمانیا د سۆشیال مه‌دیایێ دا 370 كه‌س خاپاندنه ژ بۆ كو وان ته‌ڤلی شه‌ر بكه‌ن.
دادگه‌ها ده‌ستووری یا ئالمانیا راگهاند، په‌كه‌كه كو پارتییه‌كا چه‌پ یا توندره‌وه، د خاپاندن و چه‌كدار كرنا سڤیلان دا، ئه‌و وه‌ك رێخستنێن قاعیده و داعشێ پرۆپاگاندایێ ژ بۆی خوه دكه‌ت.
دادگه‌ها ده‌ستووری دبێژیت: ژ سه‌رجه‌مێ 370 كه‌سێن كو په‌كه‌كێ ل ڤێ داویێ ل ئالمانیا خاپاندینه وشاندینه شه‌ر، 21 هاتینه كوشتن.
دادگه‌ها ده‌ستووری یا ئالمانیایێ هه‌روه‌ها دبێژیت: ب ئه‌گه‌را ئالۆزیێن نێڤبه‌را ئالیگرێن په‌كه‌كێ و په‌نابه‌رێن ترك یێن ل ئالمانیا، هه‌یا نها نێزی 130 كه‌سان هاتینه كوشتن.
