وه‌زاره‌تا به‌رگریێ یا تركیێ كوشتنا سه‌ربازه‌كێ دی ل هه‌رێما كوردستانێ راگهاند، ب ڤێ یه‌كێ هه‌ژمارا سه‌ربازێن ژ ده‌ستپێكا ئۆپه‌راسیۆنێ هاتنه كوشتن، گه‌هشت 5 سه‌ربازان، ئه‌ڤه ل گۆری تركیێ، لێ به‌لێ ل گۆری په‌كه‌كێ نێزیكی 200 سه‌ربازان هاتنه كوشتن!.
وه‌زاره‌تا به‌رگریێ یا تركیێ ئیرۆ رۆژا چارشه‌مبی 27/4/2022ێ راگه‌هاند كو سه‌ربازه‌كێ دی یێ وان ب ناڤێ دوگكان كوركماز ل هه‌رێما كوردستانێ د ئۆپه‌راسیۆنا په‌نجه-كلیل دا، ژ هێلا په‌كه‌كێ ڤه هاتییه كوشتن.
ئه‌ڤ ل ده‌مه‌كی تێ وه‌زاره‌تا به‌رگریێ رۆژا سێشه‌مبێ كوشتنا سه‌ربازه‌كێ دی ب ناڤێ یۆنس كالكان ل هه‌رێما كوردستانێ راگه‌هاندبوو.
ئه‌ڤه ژی دبیته سه‌ربازێ 5ێ د ئۆپه‌راسیۆنا په‌نجه-كلیل دا ژ هێلا په‌كه‌كێ ڤه دهێته كوشتن و تركیه كوشتنا وان پشتراست دكه‌ت، لێ به‌لێ ل گۆری په‌كه‌كێ، ژ ده‌ستپێكا ئۆپه‌راسیۆنێ كو ل 17 نیسانێ ده‌ستپێكربوو، چه‌كدارێن وان 218 سه‌رباز كوشتینه، ل ده‌مه‌كی 7 گه‌ریلا ژیانا خوه ژ ده‌ست داینه!.
تركیه ژی دبێژیت وان 56 گه‌ریلا كوشتینه و 5 سه‌ربازێن وان هاتنه كوشتن.
