ئیرانێ داخواز ژ ئیراقێ كر چالاکیێن پارتیێن رۆژهلاتێ کوردستانێ راوەستینیت

وزير-خارجية-ايران-الحلبوسي-Îran - Iraq

وەزارەتا دەرڤە یا ئیرانێ داخواز ژ حکوومەتا ئیراقێ کر کو چالاکیێن پارتیێن رۆژهلاتێ کوردستانێ یێن ل ئیراقێ و هەرێما کوردستانێ راوەستینن.

رۆژا چارشەمبێ 27ێ نیسانا 2022ان سەرۆکێ پارلامەنتۆیا ئیراقێ محەمەد حەلبووسی ل تەهرانێ ل گه‌ل وەزیرێ دەرڤەیێ ئیرانێ حسێن ئەمیر ئه‌بدولاهیان كۆمبوو و ل گۆری نووچەیێن مەدیایا ئیرانێ، حسێن ئەمیرەبدولاهیان پشتی كۆمبوون ب مه‌دیایێ راگهاند، كو وان داخواز ژ حکوومەتا ئیراقێ کریە کو رێ ل بەر چالاکیێن هێزێن دژی کۆمارا ئیسلامی یا ئیرانێ ل سەر ئاخا ئیراقێ بگرن.

هه‌روه‌ها گۆت: «هێزێن دژی شۆرەشێ و جوداخوازێن ئیرانێ ل ئیراقێ نابیت کو خودان ئەولەهی بن مەترسیێ ل سەر ئیرانێ چێ بکن و ئیرانێ بەر ب خەتەریێ ڤە ببن».

مەدیایا ئیرانێ راگهاند، سەرۆکێ پارلەمانا ئیراقێ دیار کریە کو ئەو رێ ناده‌ن چ کەس و رێخستن خه‌ته‌ریێ ژ بۆ ئەولەهییا جیرانێن مە چێبكه‌ن.

ژ سالێن 90ی ڤە هەژمارەک پارتیێن رۆژهلاتێ کوردستانێ بارەگەهـ و ناڤەندێن خوە ژ دەڤەرێن سینۆری یێن د ناڤبەرا رۆژهلات و باشوورێ کوردستانێ دا دەرباسی کووراهیا باشوورێ کوردستانێ کرن، ئه‌و پارتی دبێژن کو ئەو ژ هەرێما کوردستانێ ئێریشی هێزێن ئیرانێ ناکن و چالاکیێن وان یێن سەربازی د ناڤا رۆژهلاتێ کوردستانێ دا دهێنه‌ کرن.

پوستێن ھەمان بەش