سەرۆکا ئەنجوومەنا نوونەران یا ئامەریکایێ ل کیێڤێ یه‌

Nancy Pelosi -ukraina

سەرۆکا ئەنجوومەنا نوونەران یا ئه‌مەریکایێ نانسی پیلۆسی ب سەردانەکە نەراگهاندی گهیشت کیێڤێ و ب سەرۆکێ ئوکراینایێ ڤۆلدیمیر زیلینسکی رە جڤیا.

سەرۆکێ ئوکراینایێ ئیرۆ یەکشەمێ 1/5/2022ێ گۆت کو وی ل کیێڤێ ب سەرۆکا ئەنجوومەنا نوونەران یا ئامەریکایێ نانسی پیلۆسی رە هەڤدیتنەک پێک ئانیە و ڤیدیۆیا سەردانا وێ بەلاڤ کر.

زیلینسکی ل تویتەرێ نڤیسی: «سپاس ژ ئه‌مەریکا رە کو بەشداری پاراستنا سەروەری و یەکیتیا ئاخا وەلاتێ مە بوویە».

ل گۆری ئاژانسا فرانس پرێسێ، زیلینسکی تەکەز کر، «ئه‌مەریکا یەک ژ پشتەڤانێن سەرەکە یێن ئوکراینایێ یە ل هەمبەر ئێرشێن رووسیایێ».

پیلۆسی د ڤیدیۆیا کو زیلینسکی ل سەر تویتەرێ وەشاندبوو دە گۆت: «ئەم تێن سەردانا وە دکن ژ بۆ کو ئەم سپاسیا تێکۆشینا وە یا ژ بۆ ئازادیێ بکن، هوون ژ بۆ هەموویان شەر دکن، هەتا شەر ب داوی دبە، ئەم ل ئالیێ وەنە».

سەردانا پیلۆسی و شاندا کۆنگڕەسێ هەفتەیەکێ پشتی سەردانا وەزیرێ دەرڤەیێ ئه‌مەریکا ئانتۆنی بلنکن و وەزیرێ بەرەڤانیێ لۆید ئاوستن بۆ کیێڤێ هات کو د وێ دەمێ دە وان راگهاند، هێدی هێدی هەبوونا دیپلۆماتیکا ئه‌مەریکی ڤەدگەرە ئوکراینایێ.

پوستێن ھەمان بەش