سەرۆکۆمارێ سووریایێ بەشار ئەسەد، ب سەردانەکا ژ نیشکەکێ ڤە دەرباسی ئیرانێ بوو و لگەل سەرکردەیێن ئیرانێ جڤیا. ھات راگھاندن کو رێبەرێ ئیرانێ عەلی خامانەیی خواستیە کو تێکلیا ناڤبەرا ئیران و سووریایێ ژ بەرێ باشتر ببن.
ل گۆری ئاژانسا نووچەیان یا فارسێ، ئیرۆ سەرۆک کۆمارێ سووریایێ بەشار ئەسەد و رێبەرێ ئیرانێ عەلی خامەنەیی جڤیانە. ھات راگھاندن کو مژارێن ھەرێمی یێن سووریایێ ھاتنە نرخاندن و خامەنەیی خواستیە کو ئەسەد هەول بدەت ژ بۆی وێ یەکێ کو تێکلیێن ناڤبەرا ھەردو وەلاتان باشتر ببن.
ھات راگھاندن کو بەشار ئەسەد، پشتی ھەڤدیتنا لگەل خامەنەیی، ل گەل سەرۆک کۆمارێ ئیرانێ ئیبراھیم رەیسی ژی ھەڤدیتن کریە، و پشترا ژ ئیرانێ دەرکەتیە.
