وەزیرێ دەرڤەیێ ترکیێ مه‌ولوود چاویشئۆغلو راگهاند کو هه‌ردو وه‌لات سوێد و فینلاندا پشتگریێ دده‌نه رێخستنا په‌كه‌كێ و گۆت: ده‌ما وه‌لاته‌ك دبیته ئه‌ندامێ ناتۆیێ، دڤێت پشتگریێ نه‌ده‌ته رێخستنا په‌كه‌كێ.
وەزیرێ دەرڤەیێ ترکیێ مه‌ولوود چاویشئۆغلو بەری جڤینا نەفەرمی یا وەزیرێن دەرڤە یێن ناتۆیێ یا کو ل بەرلینێ، داخویانی دان رۆژنامەڤانان.
مه‌ولوود چاویشئۆغلو ئیدیعا کر کو سوێد و فینلاندا ب ئاوایەکی گەلەکی ئەشکەرە پشتگریێ دده‌نه په‌كه‌كێ و یه‌په‌گێ و گۆت کو “ئەڤه ژی باندۆرەکا نەرێنی ل سەر هه‌ستێن گەلێ مە دکەت، ل بەر چاڤێ مە و دگەل هەموو هشیاریێن مە، ژ بەر ڤێ ژی وەلاتەکێ کو دێ بیته ئەندام نابیت پشتگریێ بده‌ته په‌كه‌كێ”.
چاویشئۆغلو گۆت کو “ئه‌و دێ دگه‌ل هه‌ڤتایێن خوه یێن سوێد و فینلاندایێ كۆمبیت و ئه‌شكه‌ره ڤێ پرسێ نیقاش بكه‌ن.
وەزیرێ دەرڤەیێ ترکیێ دەستنیشان کر کو ترکیە ژ ده‌ستپێكێ پشتگریێ ددەته پۆلیتیکایا زێدەبوونا ئەندامێن ناتۆیێ و ب بیر خست کو پێشتر گەلەک ئەندامێن ناتۆیێ زێده‌باری كو ل دژی ئەندامه‌تییا تركیێ بوون لێ ترکیەیێ هه‌ر پشتگری دا ئەندامه‌تییا وان.
