وەزیرا دەرڤەیا سوێد: پەکەکە رێخستنەکا تەرۆریستیە

وەزیرا دەرڤەیا سوێد: پەکەکە رێخستنەکا تەرۆریستیە

ل گۆر رۆژنامەیا “Aftonbladet” یا سوێدی، ئان لیندی، وەزیرا دەرڤەیا سوێدێ ژ مەدیایا ترکیێ نیگەرانە و راگهاندیە شاش فێمکرن هەیە د دەربارا ڤێ یەکێ کو ولاتێ وێ پەکەکێ ب رێخستنەکا تەرۆریستی ناس ناکە و راگهاند؛ “ولاتێ مە وەکە ولاتێن دن یێن یەکیتیا ئەورۆپایێ، پەکەکێ وەکە رێخستنەک تەرۆریستی ناس دکە”.

ل گۆر نووچەیا ڤێ رۆژنامەیا سوێدی وەزیرا دەرڤەیا سوێدێ راگهاندیە: “ئەڤە راست نییە کو ئەم پەکەکێ وەکە رێخستنەکا تەرۆریستی ناس ناکن، هەگەر نەرینەک ب ڤی ئاوایی هەبە، پیدڤییە وەرە راستڤەکرن”.

ئەڤ داخویانیا وەزیرا دەرڤەیا سوێدێ پشتی داخویانیا رەجەب تەییپ ئاردۆگان، سەرۆکۆمارێ ترکیێ تێ دەربارا خەباتا ولاتێن فینلەندا و سوێدێ ژ بۆ چوونە ناڤا ناتۆیێ: “دەربارا سوێد و فینلەندا، نەرینەکا ئەرێنی مە نینە. مخابن ولاتێن سکەندەناڤیا، وەکە میڤانخانەیەکێنە ژ بۆ تەرۆریستان. رێخستنا تەرۆریستی یا پەکەکێ و هندەک رێخستنێن دن ژی ل سوێد و هولەندا ب جیهـ بوونە. ئەڤە ژ بلی وێ یەکێ کو هندەک ژ تەرۆریستان وەکە پەرلەمانتەر د پەرلەمانتۆیێن ڤان ولاتان دا جی دگرن. ژ بەر ڤێ یەکێ د ڤێ خالێ دا نابە مە نەرینەک ئەرێنی هەبە”.

پوستێن ھەمان بەش