ل ترکیێ داکەتنا بهایێ لیرێ ترکی ل بەرامبەر دۆلارێ ئهمەریکی و دراڤێن بیانی بەردەوامە، ئیرۆ دۆلارەک گەهشتە 15.83 لیرەیێن ترکی.
ئیرۆ 17ێ گولانا 2022ێ بهایێ لیرەیێ ترکی دیسان داکەت و بهایێ دۆلارێ ئهمەریکی کو دەستپێکا حهفتیێ 15.50 لیرە بوو، ئیرۆ د دەمژمێرێن سپێدێ ا گههشت 15.83 و تێ چاڤەرێکرن 16 لیرەیان دەرباس بکەت.
بانکا ناڤەندی یا ترکیێ، ل نیسانا 2022ێ 3 ملیار و 296 ملیۆن دۆلار فرۆتبوون کۆمپانیایێن دەولەتێ کو وەک کۆمپانیایێن ئابووری یێن حكوومهتێ (کیت) تێن بناڤکرن، ب ڤی ئاوایی د شەش مەهێن داوی دا دۆلارێ بۆ کۆمپانیایێن دەولەتێ هاتنە فرۆتن گههشتبوو 21 ملیار و 600 ملیۆنان.
بانکا ناڤەندی، ژ بۆ كو ژ بازاری دۆلار نەکریت و بهایێ دۆلار زێدە نەبیت، ژ سالا 2014ێ ڤە بۆ سازیا خەتێن بۆری و پەترۆلێ (بۆتاش) دەست ب فرۆتنا دۆلاری کربوو.
