پارلامەنتەرا CHP ل ھەمبەر قەدەغەکرنا کۆنسێرتا ئاینور دۆغان ل پارلامەنتۆیێ بەرتەک نیشان دا
پارلامەنتەرا جەهەپێ «نورھاتای ئالتاجا کایشۆغلو» ل پارلامەنتۆیا ترکیێ ل ھەمبەری قەدەغەکرنا کۆنسەرا ھونەرمەندا کورد «ئاینور دۆگان» یا ژ ئالیێ شارەداریا «کۆجاعەلیێ» ڤە نەرازیبوون نیشان دا.
پارلامەنتەرا جەهەپێ یا «بورسایێ» «نورھاتای ئالتاجا کایشۆغلو» سترانا دارھێژیرۆکێ یا کو ژ ئالیێ «ئاینور دۆگان» ڤە ھاتی گۆتن د ناڤا ھۆلا پارلامەنتۆیێ دا گۆت.
کایشۆغلو د ئاخاڤتنا خوە دا دەستپێکێ سترانا “ئەڤەریوای تھات ئ جان”یا «سەرتاب ئەرەنەر» یا کو د سالا 2003یێ دا د پێشبرکا «ئەورۆڤسۆنێ» دا ب سەر کەتبوو گۆت و پاشێ ژی سترانا ئاینور دۆگان “دار ھەژیرۆکێ” گۆت.
ئەڤ یەک پشتی وێ تێ، کۆنسەرتا ھونەرمەندا کورد «ئاینور دۆگان» کو ل «دەرینجەیا کۆجاعەلی» یا ترکیێ ھاتبوو پلانکرن ژ ھێلا شارەداریا ناڤچەیێ ڤە ھات قەدەغەکرن. پشترا ژی گگەلەک ھونەرمەند و سەرکردەیێن پارتیێن سیاسی قەدەغەکرنا کۆنسێرتێ شەرمەزار کرن.
سەرۆکێ گشتی یێ جەهەپێ «کەمال کلچدارۆغلو» ژی ئیرۆ د جڤینا کۆما پارتیا خوە دا نەرازیبوون نیشانی قەدەغەکرنا کۆنسێرتا ھونەرمەندا کورد «ئاینور دۆگان» ژ ئالیێ شارەداریا «دێرنجەیێ» ڤە دابوو.
