سه‌رۆككۆمارێ تركیێ ئیرۆ جاره‌كا دی ته‌كه‌زی ل هه‌لوه‌ستا تركیێ یا دژی ته‌ڤلیبوونا سوێد و فینلاندێ بۆناڤا په‌یمانا ئه‌تلانتیكا باكور ناتۆیێ كر.
ره‌جه‌ب تاییب ئاردۆگان ئیرۆ د جڤینا پارتییا خوه ئاكه‌پێ دا گۆتاره پێشكێش كر و گۆت كو تركیه ل سه‌ر هه‌لوه‌ستا خوه یا دژی ته‌ڤلیبوونا وه‌لاتێن سوێد و فینلاندێ بۆ ناڤا په‌یمانا ئه‌تلانتیكا باكور ناتۆیێ یه.
هه‌روه‌ها ده‌ستنیشان كر، سه‌ره‌دانا چاڤه‌رێكری یا شاندیێن سوێد و فینلاندێ بۆ ئه‌نقه‌ره‌یێ، چ باندۆرا خوه ل گوهه‌راندنا ڤێ هه‌لوه‌ستا تركیێ ناكه‌ت.
ئاردۆگان گۆت: تركیه سیاسه‌ته‌كا هه‌ڤسه‌نگ د مه‌شه‌ینیت، ئه‌و ناخوازیت پێوه‌ندیێن وێ ل گه‌ل پۆتین تێك بچن، هه‌موه‌خت دخوازیت نێزی ئۆكراینایێ ژی ببیت.
دوهی هه‌ر یێك ژ وه‌لاتێن فینلاند و سوێدێ داخوازیێن خوه ژ بۆ ته‌ڤلیبوونا ناتۆیێ ب فه‌رمی پێشكێشی سه‌كره‌ته‌رێ په‌یمانێ كرن، دبیت كو پێڤاژۆیا ته‌ڤلیبوونا وان ساله‌كێ ڤه‌كێشیت هه‌یا كو ب داوی دبیت.
