“پێدڤییە خەلک ژ دەستدرێژیێن پەکەکێ یێن ل سەر چاپەمەنیێ بهێتە ئاگاھدار کرن”

"پێدڤییە خەلک ژ دەستدرێژیێن پەکەکێ یێن ل سەر چاپەمەنیێ بهێتە ئاگاھدار کرن"

سەرۆکێ سەندیکایا رۆژنامەڤانێن کوردستانێ بەحسا ئێریشا پەکەکێ یا ل سەر سازیێن چاپەمەنیا کوردستانێ دکە و وێ وەک پێنگاڤەکە مەترسیدار پێناسە دکە.

سەرۆکێ رۆژنامەڤانێن کوردستانێ «ئازاد حەمەدەمین» راگھاند: “مە وەک سەندیکا رۆژنامەڤانێن کوردستانێ، گەلەک جاران ھەولا ئاڤا کرنا فەدەراسیۆنەکا راگەھاندنێ یا ل ھەرچار پارچەیێن کوردستانێ دایە، ژ بۆ میساقەکا شەرەف و کارێ ھەڤبەشی، لێ چاپەمەنیا پەکەکێ بەردەوام رێگر و ئاستەنگ بوویە. ل رۆژئاڤایێ کوردستانێ ژی بەردەوام رێگر بوویە ل ھەمبەر کارێن رۆژنامەڤانیێ، ل باشوورێ کوردستانێ ژی بەردەوام دەستوەردان د کارووبارێن چاپەمەنیێ دا دکە. پەکەکێ، ژ ئالیێ یاسایی و دەستووری ڤە چ پەیوەندی ب باشوورێ کوردستانێ ڤە نینە، لێ د سالێن بۆری دا ھەولدایە خەلکێ بەرەڤاژی بکن و پابەند نینن ژ بۆ ئازادیار رامان و ل گەل سەندیکایا رۆژنامەڤانان ژی ھەڤکار نابن.”

ھەروھا گۆت: “ئەم داخوازێ ژ چاپەمەنیا پەکەکێ دکەین، نەکەڤنە بن بارێ ئاراستەیێن سیاسی یێن پەکەکێ، کو ل ھەرێما کوردستانێ برێڤە دبەت، ئەڤ یەکەم جارە د فەرھەنگا کوردستانێ دا رۆکەت ل سازیەکێ چاپەمەنیێ بهێتە دان. ئەڤ تشتەکێ خرابە و ب تایبەت د شەرێ ناڤخوەیێ کوردستانێ دا ژی چ دەمەکێ رەوش نەگەھەشتیە وێ ئاستێ کو مووشەک ل سازیەکا چاپەمەنیێ بهێتە دان. وەک لژنەیا شۆپاندنا مافێن رۆژنامەڤانان مە ئەو کریار شەرمەزار کر و ئەڤ یەک دەستوەردانە ل کارووبارێن سیاسی و بنپێ کرنا یاسایا 37 یا رۆژنامەڤانیێ یا پارلامەنتۆیێ یە ژی.”

سەرۆکێ سەندیکایا رۆژنامەڤانێن کوردستانێ گۆت: “گرنگ و پێویستە ھەموو نوونەرتیێن جیھانێ یێن ل کوردستانێ بێنە ئاگاھدار کرن، روویێ راستەقینەیێ پەکەکێ و ئەو دەستدرێژیێن ل سەر چاپەمەنیا باشوورێ کوردستانێ بێنە ئاگاھدار کرن. 

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg