ئەمیرێ داعشێ ل ستەنبۆلێ ھات گرتن!

ئەمیرێ داعشێ ل ستەنبۆلێ ھات گرتن!

تێ گۆتن کو ئەمیرێ نوویێ داعشێ «ئەبوو حەسەن ئەل قورەیشی» ل ستەنبۆلێ ھاتیە گرتن و ئەردۆگان دێ چەند رۆژێن دن ڤێ نووچێ ب فەرمی راگەھینیت.

ل گۆر زانیاریێن کو ل مەدیا ترکیێ بەلاڤ بوونە، ھێزێن ئەمنی یێن ترکیێ ھەفتەیا دەرباسبوویی ل سەر زانیاریێن ئیستیخبارەتی ئۆپەراسیۆنەکا بەرفرەھ ل دژی داعشێ برێڤە بریە.

مەدیا ترکیێ بەلاڤ کریە، پشتی کو زانیاریا ھەبوونا ئەمیرێ نوویێ داعشێ «ئەبوو حەسەن ئەل قورەیشی» ل ستەنبۆلێ گھشت ھێزێن ئەمنی، ب رۆژان مالا کو دھات گۆتن قورەیشی خوە تێ دا ڤەشارتیە، کەت بن چاڤدێریێ و ھەر لڤ و تەڤگەرەکا ل وێ دەڤەرێ ھات شۆپاندن.

پشتی چاڤدێری و شۆپاندنا ھوور کو ب رۆژان بەردەوام کر، ئۆپەراسیۆنا گرتنا وی ھات دەستپکرن و «ئەل قورەیشی» ھات گرتن.

ھەر ل گۆر زانیاریان، سەرکردەیێ داعشێ نھا د لێپرسینێ دایە و دێ چەند رۆژێن دن گرتنا وی ب فەرمی ژ ئالیێ سەرکۆمارێ ترکیێ رەجەب تەییب ئەردۆگان ڤە هێتە راگەھاندن.

ئەبوو حەسەن ئەل قورەیشی، کو ھەتا نھا چ کەسی روویێ وی نەدیتیە و وێنە و دیمەنێن وی بەلاڤ نەبوونە، سێیەمین خەلیفە و ئەمیرێ داعشێ یە. بەریا وی «ئەبوو ئیبراھیم ئەل قورەیشی» خەلیفە و ئەمیرێ داعشێ بوو لێ پشتی کو ئەو ئیسال زڤستانێ ل ھەرێما «ئدلب» یا سووریێ ژ ئالیێ ئامەریکا ڤە ھاتی کوشتن، داعشێ «ئەبوو حەسەن» دانی شوونا وی.

ئەبوو ئیبراھیم ژی ل شوونا ئەووبەکر بەغدادی ھاتبوو دانین.

بەغدادی ژی پاییزا سالا 2019ێ ل سووریێ د ئۆپەراسیۆنەکا ھێزێن ئامەریکا دا ھاتبوو کوشتن.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami