ئیرۆ ژ ئەنجامێ هەولێن ئیستیڤزازی یێن پەکەکێ ل دژی لەشکرێ ترکیێ ل ناحییا بامەرنێ یا سەرب قەزا ئامێدیێ، ھەری کێم 2 وەلاتیێن سڤیل جانێ خوە ژ دەست دان.
چاڤکانیێن پێگەها «دارکا مازی» ئەشکەرە کر، ئیرۆ خەلکێ گوندێ «زێوە» ژ بۆ سەیرانێ قەستا دەڤەرا بامەرنێ کرنە، لێ پشترە ب سەدەما دروستبوونا شەری د نێڤبەرا چەکدارێن پەکەکێ و لەشکرێ ترکیێ دا 2 کەسێن سڤیل جانێ خوە ژ دەست دانە.
چاڤکانیێن مە ئەشکەرە کر، دەما گوندی مژوولی سەیرانێ بوون، هن ژ چەکدارێن پەکەکێ خوە نێزی جیهێ سەیرانیان کرنە و ب رۆکەتان ئێریشی بارەگەها لەشکری یا ترکیێ ل بامەرنێ کرنە، لەشکرێ ترکیێ ژی بەرسڤا ڤێ ئێریشا چەکدارێن پەکەکێ دانە و د ئەنجام دا 2 زارۆک شەهید بوونە.
چاڤکانیێن مە هەر وها دا زانین هن ژ رۆکەتێن چەکدارێن پەکەکێ نەگهانە بارەگەها لەشکرێ ترکیێ و ل نێزی سەیرانیان ب ئەردێ کەتنە.
