پەکەکێ دگۆت دێ باشوور بۆ ترکیێ كه‌ینه‌ ڤیه‌تنام، لێ بۆ کوردان کره‌ ڤیه‌تنام!

پشتی سەرهلدانا گەلێ باشوورێ کوردستانێ و ئاڤاکرنا حکوومەت و پارلامانتۆیا هەرێما کوردستانێ، رێبەرێ رێخستنا پەکەکێ «عەڤدلا ئۆجالان» راگهاند ئەم دێ ترکیێ کێشین باشوور و باشوور ل وان بکەین ڤیەتنام، لێ بەلێ ب تەنێ پارچەیا یەکەم ژ ئاخافتنا خوە جێبەجێ کر، ئۆجالان و رێخستنا وی کو ب دەستێ میتێ هاتیە ئاڤاکرن، ترکێن فاشیست کێشی باشوورێ کوردستانێ کرن، وان نە ب تەنێ باشوور ژ بۆ ترکیێ نەکر ڤیەتنام بەلکو بوون پرەک ژ بۆی دەرباسبوونا لەشکرێ ترکیێ بۆ باشوورێ کوردستانێ و داگیرکرنا وان چیایێن ئاسێ یێن کو چ جاران ب درێژاهیا دیرۆکێ هیچ دژمنەکی کوردان نەکاریبوو بکەڤە وان چیایان.

ئۆجالان سۆزا كو دایه‌ ده‌وله‌تا ترك بجهـ ئینا

رێبەرێ پەکەکێ، ب ڤێ بریارا خوە پرانیا چەکدارێن پەکەکێ ژ باکورێ کوردستانێ کێشی باشوور کرن، د دەما ڤه‌كێشانا چەکدارێن پەکەکێ دا هەژمارەک زێدە یا وان بوونە قوربانی و د سەرمایا زڤستانێ دا ئاسێ مان، برسی مان، بێ هێڤی و بێ ئۆمێد مان، لێ چ یەک ژ وان چەکداران ژ خوە نەپرسی چما دڤێ ڤەکشین باشوور، چما دڤێ قادا خەباتا خوە ژ داگیرکەرێن کوردستانێ را ب جی بهێلین و دەرباسی پارچەیەک ئازاد ببین و وێرێ ژ لەشکرێ ترکیێ را بکه‌ین ڤییەتنام، وان چ جاران نەپرسی چما ئەم باکورێ کوردستانێ ژ ترکیێ را ناکه‌ین ڤیەتنام، ژ بەر کو وان باش دزانی پرسک ب ڤی ئاوایی ب واتەیا دژاتیکرنا ئاپۆ دهێت، ئەڤ یەک ژی دێ بیته‌ سەدەم کو ب هه‌ر ئاوایەکی ئه‌و بهێنه‌ تاسفیەکرن، یان ژی وەک سیخوڕ و ئاژانێن میتێ بهێن ب ناڤ کرن.

چەکدارێن پەکەکێ ژ هەرێمێن سنۆری یێن باکورێ کوردستانێ هاتن ڤه‌كێشان بۆ باشوورێ کوردستانێ و دەست دانان سەر گوندێن بەرواری، نهێلی، نێروەیی، رێکانی و مزوورییان هەیا دگه‌هیته‌ ده‌ڤه‌رێن برادۆستێ… پشتی ڤێ یەکێ ژی هه‌رده‌م پەکەکێ دگۆت ئەم دێ باشوور بۆ ترکیێ كه‌ینه‌ ڤیەتنام، لێ بەلێ، بەرەڤاژی ڤێ ئاخافتنا خوە ل باشوورێ کوردستانێ ئێریشی سازیێن حکوومی کر، ئێریشی پارتیێن باشوور کر، ئێریشی تەڤ دەستکەتیێن کوردان کر، پەکەکە شوونا باشوور ژ ترکیێ را بکەته‌ ڤیەتنام، بۆ گەلێ باشوور ب خوه‌ کره‌ ڤیەتنام.

پەکەکێ ل باشوور بەرێ لوولییا تڤەنگا خوە دا هەرکەسێ ب تەنێ ترک نەبن!

پەکەکێ شەرێ خوە یێ سەختە ل دژی حکوومەتا ترکیێ بۆ شه‌رێ شەرێ ل دژی حکوومەتا هەرێما کوردستانێ ڤه‌گوهاست، ل شوونا ل باکور ل دژی ترکیێ شەری بكه‌ت، گۆت ئەم دێ چینه‌ باشوور و وێرێ بۆ ترکیێ كه‌ینه‌ ڤیەتنام. ل باشوور ل شوونا بەرێ لوولییا تڤەنگا خوە بدەنه‌ لەشکرێ ترکیێ دا سینگێ پێشمەرگەیان، بەرێ لوولییا تڤەنگا خوە دا داییکێن شەهیدان، دا وان پێشمەرگەیێن کو ب سالان ل چیایی ماین داکو باشوور رزگار بکه‌ن، پەکەکێ ل باشوو بەرێ لوولییا تڤەنگا خوە دا هەرکەسێ ب تەنێ ترک نەبن!

یا راست هه‌گه‌ر په‌كه‌كه‌ ژ هێلا كوردان ڤه‌ هاتبا برێڤه‌برن، دا گه‌له‌ك هێسان بیت باكور ل تركیێ بكه‌نه‌ ڤیه‌تنام، لێ بەلێ پەکەکە یا کو ب دەستێ میتا ترکیێ هاتیە ئاڤاکرن، پەکەکە یا کو یەک ژ ئەندامێن میتێ یێ ب ناڤێ “عەڤدلا ئۆجالان” سەرکرداتیسا وێ دکەت، چ جاران نه‌شێت نە باکور و نە ژی چ پارچه‌یه‌كا دی بۆ ترکیێ بکەته‌ ڤیەتنام، لێ دشێت کوردستانا وەک به‌هەشتێ بۆ کوردان ب خوه‌ بکەته‌ دوژەهـ، هەر وەک نها ئەڤ یەک ئه‌نجام دای.

 پەکەکێ ژ بلی کو گوندێن سنۆری یێن باشوورێ کوردستانێ داگیر کرین، ب ئاوایەکێ پلانکری ئەڤ گوند تەڤ تەسلیمی لەشکرێ ترکیێ کرن، پەکەکێ ب بەهانەیا هەرێمێن لەشکری رێ نەدا چ گوندەکێ سنۆری بهێته‌ ئاڤاکرن، رێ نەدا گوندێن نێروەیا، رێکانیا، نهێلیا، بەرواریا، برادۆستیا بهێن ئاڤاکرن، ئەڤ هەرێمە ب “هەرێمێن پاراستنا مەدیا ب ناڤ کرن” لێ هەر سال دەرباس ئه‌و ژ ڤان هەرێمان پاشڤه‌ دزڤریت و لەشکرێ ترکیێ جهێ وان دگریت.

 پەکەکێ تەڤ هەرێمێن سنۆری ب درێژاهیا 35-40 کم رادەستی ترکیێ کرینە، چه‌ند پاشتره‌، پێتر خاکا کوردستانێ تەسلیمی ترکیێ دکەت، پێتر درەوان دکەت، هەر دبێژیت مە ترکیێ تێک برییە، لێ بەلێ چه‌ند پاشتره‌ تركیه‌ پتر باشوور داگیر دکەت.

پەکەکێ ژ بلی کو رێ نەدا خەلکێ ڤان گوندان ڤەگەرن سەر گوندێن خوە و وان گوندان ئاڤا بکه‌ن، بەلکو نها ژی پشتی کو ئەڤ خەلکە ل جهێن دوور ژ سنۆری نیشتەجی بووین رێ ب وان نادەت ب رحەتی بژین، خوە نێزیكی گوند و باژارێن دوور ژ سنۆری دکه‌ن داکو ژ ئالیێ ترکیێ ڤە بهێنه‌ بۆمبەباران کرن و خه‌لكێ سڤیل بهێته‌ شەهیدکرن، داکو ب ڤێ یەکێ ئاموورێن پرۆپاگاندایێ بۆ چاپەمەنیا خوە پەیدا بکه‌ن.

په‌كه‌كێ هێرشی سه‌یرانییان كر داكو مادده‌یه‌كێ پرۆپاگندایێ بۆخۆ چێكه‌ت و دیسا یاریێ ب هه‌ستێن خه‌لكی بكه‌ت

داوی جار ل رۆژا 26/5/2022ێ خەلکێ گوندێ “زێوەسەرێ” کو گوندێ وان پێش نها د دەستێ پەکەکێ دا بوو و پەکەکێ نها ئەو گوند تەسلیمی ترکیێ کرییە و پرانیا وان ل شێلادزێ و دێرالۆکێ و باژار و باژارۆکێن دی یێن سەر ب دهۆکێ نیشتەجی بووینە، ژ بۆ کو ژیانا وان پاراستی بیت، ژ بۆ کو هەڤدو ببینن و دەمێن خوەش دەرباس بکه‌ن ژ شێلادزێ چوون جهه‌كێ دوور، چوون جهه‌كی کو 47 کم ژ شێلادزێ دوورە، لێ ل وێرێ ژی پەکەکێ ژیانا وان ئێخسته‌ خەتەرەیێ، ل دەما کو خه‌لك مژوولی سه‌یرانێ بوون، چەکدارێن پەکەکێ 3 رۆکەت ل بارەگەهێ لەشکرێ ترکیێ یێ ل بامەرنێ خستن، لەشکرێ ترکیێ ژی بەرسڤا ڤی کارێ پرۆڤاکسیۆنێ چەکدارێن پەکەکێ دا و ب چەکێن گران بەرسڤا پەکەکێ دا، د ئەنجام دا 3 زارۆک بوون قوربانی، دو شەهید بوون و یه‌كێ دن ژی بریندار بوو.

پەکەکە دکاری خوە نێزیكی جهێ وان نەکەت، دکاری ژ بۆ پاراستنا ژیانا خه‌لكی چ کارێن پرۆڤاکسیۆن ئەنجام نەده‌ت، پەکەکە دکاری هەر چ نەبیت د ڤێ رۆژێ دا چ کارێن پرۆڤاکسیۆن ئەنجام نەدەت، لێ ژ بۆ کو هنده‌ك ماددەیێن پرۆپاگاندایێ ب دەست خوه‌ بێخیت، ژ بۆ کو بشێت جارەکا دی د چاپەمەنیا خوە دا هێرشی حکوومەتا هەرێما کوردستانێ بکەت و یارییان ب هه‌ستێن خەلکێ بكه‌ت، کارە ئەنجام دا و بوو سەدەما شەهید کەتنا 2 زارۆکێن 10 سالی و برینداربوونا زارۆکەکێ دی، پەکەکێ شاهی و ئاهەنگا خەلکێ زێوەسەرێ کره‌ شینی.

ب کورتاسی، پەکەکێ باشوور بۆ ترکیێ نەکره‌ ڤیەتنام بەلکو باشوور بۆ گەلێ کورد کرییە دوژەهـ، ل شوونا کو وەک شەرڤانێن ڤیەتنامی ل دژی داگیرکەریێ شەری بکه‌ن، بووینە پرەک زێرین ژ بۆ دەرباسبوونا ترکێن فاشیست بۆ باشوورێ کوردستانێ.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami