رووسیا غازێ ل سەر ھۆلەندایێ قوت دکە

رووسیا غازا دچیتە ھۆلەندایێ دبرە

دەولەتا رووسیایێ ب سەدەما کو د شەرێ رووسیا و ئووکراینایێ دا پۆلۆنیا، بوولگارستان و فینلاند هاریکاری دابوون ئووکراینایێ غازا وان بریبوو و نھا دۆرا ھۆلەندایە. ژ ئالیەک دن ڤە رووسیا ژ وان خواستبوو کو پارێ غازێ ب رووبلی بدن و دەولەتێن ناڤبۆری قەبوول نەکربوون. نھا دەولەتا ھۆلەندایێ قەبوول ناکە کو پارێ غازا رووسیایێ ب رووبلی بدە و دێ رووسیا غازێ ژ قوت کەت.

شیرکەتا هۆلەندی یا ب ناڤێ «گاستیرا» رەد کر کو پارە ب رووبلی بدە شیرکەتا رووسیایێ «گازپرۆمێ» و گازپرۆمێ راگھاند کو دێ د 31ێ گولانا 2022یێ دا غازا ھۆلەندایێ بریت. «گاستیرا» ببیر خست کو د بریارنامەیا ناڤبەرا وەلاتێن ئاورووپا و رووسیایێ دا خال ھەیە کو د سەر گازپرۆمبانکێ دا حەسابێ یورۆ و رووبلێ ڤەکە و کیژان پارە بخوازن ب وان پارەیان پارێ غازا رووسیایێ بدن.

رێکەفتنا ناڤبەرا ھۆلەندا و رووسیایێ ھەیا رۆژا 1ێ جۆتمەھا پێشیا مەیە و ئەگەر غاز نەچیتە هۆلەندایێ، ئەڤە تێ واتەیا کو دێ 2 میلیار م3 غاز ژ هۆلەندایێ هێت برین.

نھا هۆلەندا نکاریت بێژیت ب وێ غازا د دەستێ وان دا چقاس دکاریت بەر خوە بدە و ئیدارە بکن.

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg