وەزارەتا دەرڤە یا ئه‌مه‌ریكایێ، نیگەرانیا خوە ژ زێدەبوونا چالاکیێن سەربازی یێن ترکیێ ل رۆژئاڤایێ کوردستانێ راگهاند و داخواز کر کو ئاگربەست نەیێ خەرابکرن.
بەردەڤکێ وەزارەتا دەرڤە یا ئه‌مه‌ریكایێ نید پرایس د جڤینەکا چاپەمەنیێ دا ل سەر پلانا ترکیێ یا ژ بۆ ئەنجامدانا ئۆپەراسیۆنەکا دن یا سەربازی ل رۆژئاڤایێ کوردستانێ گۆت: «ئەم ژ زێدەبوونا چالاکیێن سەربازی یێن ل باکورێ سووریێ نیگەرانن و ئەم پشتەڤانییا پاراستنا ئاگربەستێ دکه‌ین».
هەفتەیا بۆری سەرۆکۆمارێ ترکیێ رەجەپ تاییپ ئەردۆگان راگهاند، د دەمەکێ نێزیك دا ل رۆژئاڤایێ کوردستانێ دەست ب ئۆپەراسیۆنەکا دن یا سەربازی دکن، ژ بۆ چێكرنا هه‌رێمه‌كا ئه‌وله‌هیێ ب کووراهیا 30 کیلۆمەتران.
