مەدیایا سوێد: ترکیێ ل بەرامبەر ئەندامتیا ناتۆیێ ئیستفایا وەزیرێ سوێد خوەست!

مەدیا سوێد: ترکیێ ل بەرامبەر ئەندامتیا ناتۆیێ ئیستفایا وەزیرێ سوێد خوەست!

ل گۆری نووچەیەکا د مەدیا سوێد دا ھاتیە وەشاندن، ھات دیارکرن کو ترکیێ ل بەرامبەر دەستووردانا ئەندامەتیا ناتۆیێ داخوازا دەست ژ کار کێشانا وەزیرێ بەرەڤانیا سوێدێ «پیتەر ھولتکڤیست» کریە.

ھەروھا ل گۆری نووچەیێن ل سەر مژارێ بەلاڤ بوونە، ترکیێ ژ سوێد راکرنا دۆرپێچا چەکان، بداویکرنا ئالیکاریێن چەک و لەشکەری بۆ پەیەدێ/پەکەکێ و گوھەرتنا یاسایێن تێکۆشینا دژی تەرۆرێ ژ وەلاتێ سوێد کریە.

رۆژنامەیا «Expressen» ژی بەلاڤ کریە کو ئەنقەرێ ھەروھا لگەل وان داخوازان، داخوازا ژ کار دوورخستنا وەزیرێ بەرەڤانیێ ژی کریە کو دهێتە ئیدیعاکرن سالا 2011ێ بەریا ببە وەزیر، چوویە چالاکیەکێ کو ژ ئالیێ پەکەکەییان ڤە ھاتیە رێکخستن.

«ھولتکڤیست» ل سەر ڤێ داخوازا ترکیێ گۆتیە: “وەکی بەرێ نھا ژی دبێژم کو باوەریا من ب رێیێن دەمۆکراتیک یێن چارەسەرکرنا پرسا کورد ھەیە و پێویستە ب دانوستاندنان بێ کرن. من چ جاران ژ بلی رێبازێن ئاشتییانە چ رێ نەپاراستینە و من تەرۆریزم رەد کریە. ژ بلی ڤێ من چ شیرۆڤەیا دی نینە.”

 

پوستێن ھەمان بەش

گەلۆ هەپەگە کەتیە قۆناغا دویەمینا شەرێ ل دژی پێشمەرگە؟

pkk-kani mase-peshmarga-hpg