سەرۆکێ ئوکراینایێ «ڤۆلۆدمێر زیلینسکی» راگھاند، گەنمێ عەمبارکری یێ ل عەمبارێن ئوکراینایێ ژ بۆ پاییزا ئیسال، دگھیژە 70 ھەتا 75 ملیۆن تۆنان.
زیلینسکی د داخویانیەکا رۆژنامەڤانی دا داخواز کر، رێیەک ژ بۆ ھناردەکرنا گەنمێ کو ل عەمبارێن ئوکراینایێ ھاتنە هلگرتن، بهێتە دیتن.
زیلینسکی، رووسیایێ ب رێگرکرنا ل ھناردەکرنا گەنمێ ئوکراینایێ تۆھمەتبار کر.
سەرۆکێ ئوکراینایێ ھەروھا گۆت: “نھا 20 ھەتا 25 ملیۆن تۆن گەنم د دەپۆیان دا عەمبارکری نە، ژ بۆ پاییزێ ژی دگھیژە 70 ھەتا 75 ملیۆن تۆنان.
ئەڤە د دەمەکێ دایە کو ئوکراینا ل جیھانێ وەلاتێ چارەمیێ ھناردەکارێ گەنمە، لێ بەلێ ئیسال ژ بەر شەرێ ل وەلات و رووسیایێ، نکارە گەنم بیشینە وەلاتێن دن و ژ بەر ڤێ یەکێ قەیرانا کێمبوونا خوراکی ل چەند دەڤەرێن جیھانێ سەری ھلدایە.
