هێزێن ترکیێ خالەکا چاڤدێریێ ل حەمایێ ئاڤا دکه‌ن

هات دیارکرن کو ل سەر گرێ گوندێ قەرقوور ل دەشتا خابێ یا رۆژئاڤایێ حه‌ما یا سووریێ، هێزێن ترکیێ دەست ب ئاڤاکرنا خالەکا چاڤدێریێ کرینە.

ل گۆر چاڤکانیێن ئۆپۆزسیۆنا سووریێ، دەمەکە هێزێن ترکیێ دەست ب ئاڤاکرنا خالەکا چاڤدێریێ ل سەر گرێ گوندێ قەرقوور ل دەشتا خابێ یا رۆژئاڤایێ حەما یا سووریێ  کرنە.

ل گۆر هەمان چاڤکانیێ خالا نوو یا هێزێن ترکیێ 3 کیلۆمەتران دووری رێیا M4 یا ناڤدەولەتی هاتیە ئاڤاکرن کو حەلەب – ئدلب و لازقیێ ب هەڤ ڤه‌ گرێ ددەت، تێ چاڤرێکرن ئیرۆ 7ێ خزیرانێ ژی بكه‌ڤه‌ وارێ بکارئانینێ.

ژ دەما ترکیە دەرباسی ناڤ ئاخا سووریێ بووی، 60 بنکە و خالێن لەشکەری ل پارێزگەهێن ئدلب، حەلەب، حەما و لازقیێ ئاڤا کرینە.