كۆمارا ئیسلامی یا ئیرانێ، ته‌نێ د 5 مه‌هێن ده‌ستپێكێ یێن ئیسال 2022 ده، 168 كه‌س دارڤه‌كرنه، ل سالا رابووری ژی د پێنج مه‌هان ده 110 كه‌س دارڤه‌كربوون.
رێخستنا مافێن مرۆڤان یا ئیرانێ کو ناڤەندا وێ ل ئۆسلۆ یا نۆروێجێ یە دیار کر، رایەدارێن ئیرانێ د 5 مەهێن دەستپێکێ یێن سالا 2022ێ دە هەری کێم 168 کەس دارڤە کرنە، 25% ژ دارڤه‌كرنێن ئیسال ل سه‌ر گرتیێن به‌لووچ هاتنه جی ب جی كرن.
رێخستنا مافێن مرۆڤان هه‌ر وها دیار کر، پرانیا کەسێن كو هاتنە دارڤەکرن ژ چینا ژێر یا جڤاکی نە و ده‌ستنیشان كر “دارڤەکرن ئاموورا هەری گرینگا سیاسی یا حکوومەتێ یە ژ بۆ تەپساندن و ترساندنا جڤاکی”.
تۆرا مافێن مرۆڤان یا کوردستانێ کو ناڤەندا وێ ل پاریسا فرانسایێ یە، راگهاند، ئیرانێ رۆژا چارشەمبێ جەزایێ دارڤەکرنێ ل 8 گرتیان ب تۆهمەتا دزیێ بری، پشتی کو جەزایێ وان یێ بەرێ قوتکرنا چار تلیێن دەستێن وان یێن راستێ هات دایین.
ئیران یەک ژ مەزنترین جیبجیکرنا جەزایا دارڤەکرنێ یە ل جیهانێ، هەر وها رێژەیا دارڤەکرنێ ب تایبەتی ژ دەما کو سەرۆککۆمار ئیبراهیم رەئیسی د تەباخا 2021ێ دە دەست ب کار کر، زێدەتر بوویە.
