سەرۆکێ سووریێ بەشار ئەسەد رادگه‌هینیت، سووریە دێ رووبروویی هەر هەولەکا داگیرکرنێ یا ترکیێ ببیت.
سەرۆکێ سووریێ بەشار ئەسەد د هەڤپەیڤینەکێ دە لگەل کەنالا «RT» دا دەربارێ ئەگەرا دەستپێکرنا ئۆپەراسیۆنەکا ترکیێ ل سەر رۆژئاڤایێ کوردستانێ و باکورێ سووریێ دا راگه‌هاند، سووریە ل سەر ئاستا فەرمی و جەماوەری دێ رووبروویی هەر هەولەکا داگیرکرنێ یا ترکیێ ببیت.
ئەسەد دەستنیشان کر کو ئارتێشا سووریێ د شەرێ بەری دو سالان دا زیانێن مادی یێن مەزن گه‌هاندن ئارتێشا ترکیێ.
ئەڤ داخویانیا ئەسەد پشتی وێ یه‌كێ دهێت، سەرۆکۆمارێ ترکیێ رەجەپ تاییپ ئەردۆگان د دەما داوی دا گەفا دەستپێکرنا ئۆپەراسیۆنەکا لەشکەری ل رۆژئاڤایێ کوردستانێ كربوو و دبێژیت، ئەو دێ هەرێمەکا ئه‌وله‌هیێ یا ب کووراهییا 30 كم ئاڤا بکه‌ن.
هەر د وێ دەربارێ دا ژی هێزێن سووریەیا دەمۆکراتیک هه‌سه‌دێ ژی راگهاندبوو، ئەو ژ بۆ پاراستنا چه‌ییا خاکا سووریێ، ئامادەنە ل گه‌ل حکوومەتا سووریێ کار بکه‌ن.
