پارلامەنتۆیا سووریێ د دەربارێ ئۆپەراسیۆنا لەشکەری یا ترکیێ ل رۆژئاڤایێ کوردستانێ داخویانی دا و دیار کر: “ئارمانجا ئۆپەراسیۆنێ دەستوەردانا “نە رەوا” و ڤەژاندنا “خەیالێن” ھەرێمەکا ئەولە و گوھەرتنا دەمۆگرافیێ یە.”
پارلامەنتۆیا سووریێ د جڤینا دوهی دا داخویانیەک ل سەر ئۆپەراسیۆنا ترکیێ یا ل رۆژئاڤایێ کوردستانێ دا و گۆت: “ئارمانجا ل پشت ڤێ داگیرکەریێ زندیکرنا خەیالێن ھەرێما ئەولەیە ژ بۆ پێکانینا پێڤاژۆیەکا نوو یا جیھوووارکرن و دەرخستنا ب دارێ زۆرێ یا خەلکێ ژ ھەرێمێ و پێکانینا گوھەرتنەکا دەمۆگرافیک کو گەفێ ل ئاشتی و ئەولەھیا ناڤنەتەوەیی و ھەرێمێ دکە.”
ھەروھا پارلامەنتۆیا سووریێ ئەشکەرە کر، ترکیا ژ بۆ بدەستخستنا ئارمانجێن خوە بریارێن نەتەوەیێن یەکبوویی بەرۆڤاژی و بنپێ دکە و رەوشێن ئینسانی ب کار تینە.
د بەردەوامیێ دا پارلامەنتۆیا سووریێ دەستنیشان کر، سەروەریا سووریێ و مافێ وێ یێ پاراستنا ژ ئۆپەراسیۆنا “نە رەوا” یا ترکیێ ھەیە و ئێریشێن کو بوونە سەدەما “کوشتنا وەلاتیێن بێگونەھ و وێرانکرنا مال و ملکێن وان” شەرمەزار کر.
