ل ناڤ کۆشکا ئەردۆگان دا دزی ھات کرن

ل ناڤ کۆشکا سەرۆکاتیا ترکیێ دا دزی ھات کرن، 7 کەس ھاتن گرتن کو 5 ژ وان کارمەندێن کۆشکێ نە.

مالپەرا ترکی یا T24 راگەھاندیە، 5 کارمەندێن کۆشکا سەرۆکاتیا ترکیێ ب ئالیکاریا دو کەسێن دن ل ناڤ کۆشکێ دا پێلیستۆکێن زارۆکان، کو ئەردۆگان د مەراسم و میتینگان دا ب سەر زارۆکان دا پارڤە دکر، دزینە.

ل گۆری ئاگاھیان، ئەو تۆھمەتبارێن ھان نھا ھاتنە گرتن و دەرحەقێ وان دا سزایێ گران یێ زیندانێ تێ خواستن. بۆ ھندەک ژ وان زێدەتری 26 سال سزایێ گرتنێ تێ خواستن.

تێ گۆتن کو وان تۆھمەتباران 5 سالان پێلیستۆک دزینە و ب ترۆمبێلێن فەرمی ژی ژ ناڤ کۆشکێ دەرخستنە و برنە دەرڤە فرۆتنە.

چەند رۆژێن دن دێ دادگەھا وان تۆھمەتباران دەست پێ بکە.