ئان لیندی: سوێدێ پەکەکەیا کو رێخستنەکا تەرۆریستییە ب ئاشکەرا شەرمەزار کریە

ئان لیندی: سوێدێ پەکەکەیا کو رێخستنەکا تەرۆریستییە ب ئاشکەرا شەرمەزار کریە

ھات ئیدیعاکرن کو سوێدا کو ترکیایێ سەرلێدانا ئەندامەتیا وێ یا بۆ ناتۆیێ ئاستەنگ کری، ب ھندەک دیمەنێن کو ل سەر مەدیایا جڤاکی بەلاڤ بوونە پشتگری دا پەکەکێ. وەزیرا دەرڤەیا سوێدێ ئانن لیندی ل سەر حەسابا خوەیا تویتەرێ د دەربارێ وان ئیدیعایان دا داخویانیەک بەلاڤ کر.

لیندی د داخویانیێ دا دبێژە “پەیام و دیمەنێن کو (ل سەر مەدیایا جڤاکی) بەلاڤ دبن، تێدا ئیدیعا دهێت کرن کو سوێد پشتگریا پەکەکێ دکە. ئەڤ کامپانیایەکە ب زانەبوون و خەرابیا ب باندۆرە. سوێدێ پەکەکەیا کو رێخستنەکا تەرۆریستییە ب ئاشکەرا شەرمەزار کر، و سوێد ھەموو شێوەیێن تەرۆریزمێ شەرمەزار دکە.”

ھەروھا ئانن لیندی داخویانیا وەزارەتا دەرڤەیا سوێدێ یا د دەربارێ مژارێ دا ژی پارڤە کر.

وەزارەتا دەرڤەیا سوێدێ د داخویانیا خوە دا وھا دبێژە “پەیام و وێنەیێن کو سەدەمێن مە ھەنە کو ئەم باوەر دکن ل سەر مەدیایا جڤاکی تێنە بەلاڤکرن و ساختەکرن، تێدا دهێت ئیدیعاکرن کو سوێد پشتگریا پەکەکێ دکە. تەدبیرێن پێوەندیدار ھاتنە گرتن.

ئەڤە کامپانیایەکە ب زانەبوون و خەرابیا ب باندۆرە کو ئارمانجا وێ ئاشکەرایە کو رێ ل بەر کەتنا سوێدێ یا ناتۆیێ بگرە.

سوێدێ پەکەکەیا کو رێخستنەکا تەرۆریستییە ب ئاشکەرا شەرمەزار کریە، و سوێد ھەموو شێوەیێن تەرۆریزمێ شەرمەزار دکە.

وەزیرا دەرڤە ئانن لیندی چ جاران پشتگری نەدایە پەکەکێ و ب توندی ڤیدیۆیا ساختەکری و پەکەکێ رەد دکە.”

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami