سکرتیرێ گشتی یێ ناتۆیێ یێنس ستۆلتەنبێرگ د هەڤپەیڤینەکا خوە یا ل گه‌ل مەدیایا ئه‌لمانی دا گۆت: «دڤێت ئەم خوە ژ بۆ راستییا دێ شەر ب سالان ڤه‌كێشیت، ئامادە بکه‌ین».
سكرتێرێ گشتی یێ ناتۆیێ یێنس ستۆلتنبێرگ، ل سەر شەرێ رووسیا و ئوکراینا یێ کو ژ 24ێ سباتێ ڤە بەردەوام دکەت، بۆ چاپەمەنیا ئه‌لمانیا داخویانیەک گرنگ دا.
ستۆلتنبێرگ دیار کر کو هنارتنا چەکێن هەری پێشکەتی بۆ ئارتێشا ئوکراینا دشێت ببیته هاریكار کو هەرێما دۆنباسێ ژ دەستێ رووسیایێ بهێته رزگار کرن و گۆت: «دڤێت ئەم خوە ژ بۆ راستیا كو دێ شەر ب سالان بەردەوام بکەت ئامادە بکه‌ین، دڤێت ئەم ده‌ست ژ پشتگریا ئوکراینا بەرنەده‌ین، هەر چەند خه‌رجی زێدە بن ژی، دڤێت ئەم پشتگریا ئوکراینا بەرنەده‌ین،نە تەنێ ژ بۆ پشتگریا لەشکەری، ژ بۆ بلندبوونا بهایێ ئەنەرژی و خوارنێ ژی».
ستۆلتنبێرگ د داخویانیا خوە یا بەری چەند رۆژان دا دەستنیشان کربوو کو ئەو ل بەندێ نە کو د لووتکەیا ناتۆیێ یا کو دێ د داویا ڤێ مەهێ دا ل مه‌درید هێته سازكرن، ل سەر پاكێجا هاریكارییا ژ بۆ ئوکراینایێ لهەڤکرنەک بهێته کرن.
