هه‌سه‌دێ 206 داعشی رادەستی ئیراقێ کرن

iraq-isis-hsd-qsd

هێزێن سووریا دەمۆکراتیک هه‌سه‌دێ، 206 گەنجێن ئیراقی یێن ئەندامێ رێخستنا ته‌رۆریستیا داعشێ رادەستی هێزێن ئەولەکاریێ یێن ئیراقێ یێن ل سینۆرێ پارێزگەها نەینەوایێ کرن.

قایمەقامێ مووسلێ، ئەمین فەنەش ئیرۆ دوشەمبێ 20\6\2022 ژ رووداوێ را راگهاند، ئەو کەس رۆژا 19 خزیرانێ هاتنە رادەستکرن و هەموو ئیراقی نە، ئه‌و د گرتیگه‌هێن هه‌سه‌دێ دا بوون ل رۆژئاڤایێ كوردستانێ.

هه‌روه‌ها گۆت: «رێکارێن قانوونی و لێکۆلین دێ ل گه‌ل وان هێته‌ كرن و دێ هێنه‌ دادگه‌هـ كرن».

ل 1 خزیرانا 2022 ژی شانەیا راگهاندنا ئەولەکاری یا ئیراقێ، رادەستکرنا 50 ئەندامێن دن یێن داعشێ ژ ئالیێ هه‌سه‌دێ ڤە پشتراست کربوو، سالا بۆری ژی نێزیکی 100 ئەندامێن داعشێ کو ئیراقی بوون، رادەستی هێزێن ئەولەکاری یێن ئیراقی هاتبوون کرن.

پتری 3،500 گرتیێن د گرتیگەهێن بن دەستهلاتا هه‌سه‌دێ دا ئیراقی نە کو پرانیا وان ب وێ یەکێ هاتنە تۆهمەتبارکرن کو ئەندامێن رێخستنا ته‌رۆریستی یا داعشێ بوونە.

ئەو یەک د دەمەکێ دا یە کو نێزی 30 هەزار وەلاتیێن ئیراقی د ناڤا کامپا هۆلێ دا ل پارێزگەها حه‌سه‌كێ نه‌ کو ژن و زارۆکێن ته‌رۆریستێن داعشێ نە.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami