هه‌په‌گێ و ئارتێشا ترکیێ ئامارێن نوو بەلاڤ کرن

turkey-pkk-hpg-kurd-kurdistan-pence-kilid

وەزارەتا به‌رگریێ یا ترکیێ كوشتنا 5 گەریلایێن په‌كه‌كێ راگهاند و ل ئالیێ دن، هه‌په‌گێ باسکێ چەکداری یێ په‌كه‌كێ ژی دیار کر کو ل زاپێ و ئاڤاشین، 17 لەشکەرێن ترکیێ هاتنە کوشتن.

ناڤەندا چاپەمەنی و راگهاندنێ یا هه‌په‌گێ راگهاندییە، هێزێن په‌كه‌كێ د 48 دەمژمێرێن دەرباسبوویی دا ل هەرێما زاپێ چەند ئێریش دژی هێزێن ئارتێشا ترکیێ پێک ئانینە.

ل گۆر داخویانیێ، د وان ئێریشان دا 12 لەشکەرێن ترکیێ هاتنە کوشتن و 4 لەشکەرێن دن ژی بریندار بوونە!.

وەزارەتا بەرەڤانیا ترکیێ ژی ئیرۆ سێشەمبێ 21ێ خزیرانێ راگهاندیە، ل هەرێما ئۆپەراسیۆنا پەنجە-کلیل کو دکەڤە ناڤ ئاخا هەرێما کوردستانێ، د ئێریشەکا هێزێن ئارتێشا وی وەلاتی دا 5 گەریلایێن په‌كه‌كێ هاتنه‌ ئارمانج گرتن.

رۆژا 18ێ خزیرانێ ژی وەزارەتا به‌رگریا ترکیێ، كوشتنا 9 گەریلایان ل زاپێ و چیایێ گارە ل ناڤ ئاخا هەرێما کوردستانێ راگهاندبوو.

ژ 17 نیسانا ئیسال 2022ێ كو ئارتێشا تركیێ ئۆپه‌راسیۆنا په‌نجه‌ كلیل ل دژی په‌كه‌كێ ده‌ستپێكرییه‌، 244 گه‌ریلا ل گۆری ئامارێن تركیێ هاتنه‌ كوشتن، هه‌په‌گه‌ ژی دبێژه‌ مه‌ پێتری هه‌زار له‌شكه‌ران كوشتنه‌ و گۆتییه‌ كو 41 گه‌ریلا ژیانا خوه‌ ژ ده‌ست دا نه‌.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami