دو زارۆک و خۆرتەکی 18 سالی یێن ژ گوندەوارێ باژارێ عاموودێ یێ رۆژئاڤایێ کوردستانێ، ژ ئالیێ ھێزێن ترکیێ ھاتن گرتن و ئێشکەنجەکرن.
ژێدەرەکێ ژ باژارێ قامشلۆ یێ رۆژئاڤایێ کوردستانێ ژ بۆ K24ێ راگھاند، ئیرۆ دانێ سپیدێ دو زارۆکێن تەمەن 16 سالی و خۆرتەکی 18 سالی ل سەر سینۆرێ ناڤبەرا ترکیا و سووریێ، ھەول دان ل سەر سینۆر دەرباسی ترکیێ ببن و د دەما دەرباسبوونێ دا ژ ئالیێ جەندرمەیێن ترکیێ ڤە ھاتنە گرتن و ب ئاوایەکێ ھۆڤانە ھاتنە ئێشکەنجەکرن.
ژێدەرێ کوردستان 24ێ ئەشکەرە کر، ناڤێن ھەر دو زارۆکێن 16 سالی «دلیار مەجید سلێمان و مالک خەدبانە»، ناڤێ خۆرتێ 18 سالی ژی «دلدار مەجید سلێمانە».
ھەروھا دیار کر کو ھەر سێ خۆرت ژ گوندێ «سنجەقا سەعدوون» یێ سەر ب باژارێ عاموودێ یێ رۆژئاڤایێ کوردستانێ نە.
