ل ھەرێما کوردستانێ پرۆسەیا وەرگرتنا گەنمێ جۆتکاران بەردەوامە و ھەتا نھا زێدەتری 158 ھەزار تۆن گەنم ژ جۆتکارێن ھەرێما کوردستانێ ھات وەرگرتن.
رێڤەبەرێ گشتی یێ بازرگانیا ھەرێما کوردستانێ نەوزاد شێخ کامل راگھاند: “ھەتا نھا ل ھەموو دەڤەرێن ھەرێما کوردستانێ 158 ھەزار تۆن گەنمێ جۆتکاران ھاتیە وەرگرتن.”
نەوزاد شێخ کامل دیار کر: “وەکە قۆناغا دەستپێکێ، نھا 35 ملیار دینار ژ بۆ وەرگرتنا گەنمێ جۆتکاران ھاتیە، ژ وێ بەشێ، 10 ملیار ھاتیە دابەشکرن، ئەوێن مانە د ڤێ ھەفتەیێ دا ب سەر جۆتکاران دا دێ هێتە دابەشکرن.”
کامل دەستنیشان کر: “ئیسال ھەموو گەنمێ جۆتکاران دێ ل سایلۆیێن ھەرێما کوردستانێ هێتە وەرگرتن و ناچە باژارێن دنێن ئیراقێ.”
ل سەر رادەستکرنا گەنمێ جۆتکاران، رێڤەبەریا چاندنێ یا رانیا راگھاند: “ھەتا ئیرۆ 25ێ خزیرانا 2022یێ، زێدەتری 18 ھەزار تۆن گەنم ژ جۆتکاران ھاتیە وەرگرتن و 82 جۆتکاران پارەیێ گەنمێ خوە وەرگرتنە.”
ئیسال حکوومەتا ھەرێما کوردستانێ کەڤرێ بنگەھا پرۆژەیا بازارکرنا گەنمێ جۆتکاران دانیە. پرۆژە ژ چێکرنا چەندین سایلۆیێن مۆدەرن و عەمبارکرن و بەرھەمانینا خوراک و بازارکرنا گەنم و دروستکرنا بەرھەمێن خوراکی پێک تێ، کو ب تەکنۆلۆژیا ھەری نوو و ب ستانداردێن جیھانی ھات چێکرن، ڤێ ژی ھێسانکاریا زێدەتر ژ بۆ جۆتکاران کریە و ئیسال کێشەیا رادەستکرنا گەنم دەرناکەڤە ھۆلێ. سالێن بەرێ، چاڤێ جۆتکارێن هەرێما کوردستانێ ژ بۆ فرۆتنا گەنمێ خوە، ل سایلۆیێن ئیراقێ بوو و ھەقێ گەنمێ خوە ژی د دەما خوە دا نکاربوون وەربگرن.
