بەرپرسێن رووسی و ئوکراینی پشتراست کرن کو پشتی زێدەتری مەھەک ژ شەرێن گران، ھێزێن رووسی رۆژا شەمبیێ باژارێ «سەڤەرۆدۆنەتسک» ل رۆژھلاتێ ئوکراینایێ ب تەمامی کۆنترۆل کر.
ئوکراینا ڤەکشینا خوە ژ باژێر وەکی “پاشڤەکشینەکا تاکتیکی” ب ناڤ کر دا کو ژ قادێن بلندێن «لیسچانسکێ» ل بەراڤا ل ھەمبەر چەمێ «سەڤەرسکی دۆنەتس» شەر بکە.
جوداخوازێن ئالیگرێن رووسیایێ ژی گۆتن کو ھێزێن مۆسکۆیێ نھا ئێریشی «لیسچانسک» دکن.
ھەڤدەم، شارەدارێ کیەڤێ «ڤتال کلتسچکۆ» ژی ل تەلەگرامێ راگھاند، د دەمژمێرێن سبێ یێن رۆژا یەکشەمبێ دا چەند تەقین ل تاخا «شەڤچەنکیڤسکی» یا پایتەختا ئوکراینایێ چێبوون.
کلتسچکۆ دیار کر کو ئامبولانس و تیمێن ھاوارھاتنێ بەرێ خوە دان جھێ تەقینان و ئاگاھیێن بەرفرەھ دێ پشترا بێن بدەستخستن.
ناڤچەیا تەقین لێ روو دانە، ناڤچەیەکا دیرۆکییە و رێزەک ژ زانینگەھ، خوارنگەھ و گالەریێن ھونەری لێ ھەنە.
