ئارتێشا ئامەریکا راگھاند، وان ئیرۆ دوشەمبێ سەرکردەیەکێ دیارێ رێخستنا ئەل-قاعیدە ل ئدلبێ ئارمانج کریە.
فەرمانداریا ناڤەندییا ئارتێشا ئامەریکا د داخویانیەکێ دا راگھاند، سەرکردەیێ دیارێ ئەل-قاعیدە «ئەبوو ھەمزە ئەل-یەمەنی» کو ب تەنا خوە ل سەر مۆتۆرسیکلەکێ بوو دەما ھاتیە ئارمانجکرن و د ئێریشێ دا زیان نەگھیشت چ سڤیلان.
گۆت ژی: “ئارمانجکرنا ڤی سەرکردەیێ ناڤدار، دێ شیانێن ئەل-قاعیدە یێن ئەنجامدانا ئێریشان ل دژی وەلاتیێن ئامەریکی، ل دژی ھەڤکارێن مە و ل دژی سڤیلێن بێگونەھ ل سەرانسەرێ جیھانێ ئاستەنگ بکە.”
ژ ئالیێ خوە ڤە، تۆرا “CNN” ل سەر زارێ کاربدەستەکی ھایدار راگھاند، ئامەریکا گەلەکا ب باوەرە کو د ئێریشا فرۆکەیا بێ فرۆکەڤان د ئەبوو ھەمزە ئەل-یەمانی کوشتیە.
ئەڤ ئۆپەراسیۆنا دویەمینە کو ھێزێن ئامەریکی د مەھا خزیرانێ دا ل دژی سەرکردەیەکێ جیھادی ل سوورییێ ئەنجام ددە.
رۆژا 16ێ ڤێ مەھێ، ھێزێن ئامەریکی د ئۆپەراسیۆنەکێ دا ل باکورێ حەلەبێ سەرکردەیەکێ ناڤدارێ داعشێ یێ ب ناڤێ «ھانی ئەحمەد ئەل-کوردی» دەستەسەر کربوو.
