ل ترکیێ و باکورێ کوردستانێ ھەژمارا دوکاندارێن کو دەست ژ کار بەردانە یان ئیفلاس بوونە گھشتە 24 ملیۆنی و د 5 مەھێن ئیسال دا ژی ل گۆر ھەمان دەما سالا بۆری ب زێدەبوونا ژ 18% دەرکەت 47 ھەزار و 128 دوکانداران.
ل گۆر ئامارێن UYAP ل ترکیا و باکورێ کوردستانێ ھەژمارا دۆسیەیێن ئیفلاسێ 23 ملیۆن و 779ن و د 17.5 سالێن داوی دا 2 ملیۆن و 145 ھەزار دوکانداران جھێ کارێ خوە ژ بەر زێدەبوونا فاتورەیێن ئەلەکتریک، گازا خوەزایی و خەرجیان گرتنە.
کۆنفەدەراسیۆنا دوکاندار و پیشەسازان یا ترکیێ (TESK) ژی راگھاندیە کو د 17.5 سالێن داوی دا ھەژمارا دوکاندارێن ئیفلاسکری گھشتیە 2 ملیۆن و 144 ھەزار و 766 دوکانداران.
ل گۆر ئامارێن فەرمی ل ترکیێ 2.5 ملیۆن دوکاندار ھەنە و نێزیکا 7 ملیۆن و 500 کەس کار دکن. لێ ژ بەر رۆژانە زێدەبوونا نرخێ مادەیێن ئەنەرژیێ و خەرجیان دوکاندار نەچار دمینن دەست ژ کار بەردن.
ل کارگەھێن بچووک وێن ناڤین ژی دەین زێدە بوونە و کرەدیا کۆب (کارگەھێن بچووک و ناڤین) ژ نیسانا 2022ێ ڤە بوویە 62 ملیار و 407 ملیۆن لیرە. ھەروھا ھەژمارا کارگەھێن کو ژ بەر دەینا تێن شۆپاندن ژی گھشتیە 300 ھەزاران.
