سوێد و فینلاندێ راگهاندن كو ژ بۆی سینۆردار كرنا چالاكیێن په‌كه‌كێ و راده‌ستكرنا كه‌سێن كو ل تركیێ لێگه‌رین ل سه‌ر وان تێ كرن، ئه‌و دێ ده‌ست ب هه‌ولێن هه‌ڤپار بكه‌ن.
ده‌مه‌كه وه‌لاتێن سوێد و فینلاندێ ژ بۆی ته‌ڤلیبوونا د رێخستنا په‌یمانا ئه‌تلانتیك یا باكور ناتۆیێ دا، داخوازی پێشكێش كرنه، تركیه كو ئه‌ندامه د ناتۆیێ دا ل دژی ڤێ هه‌ولێ ده‌ركه‌ت و راگهاند ئه‌و پشتگریێ ناده‌نه سوێد و فینلاندێ كو ببن ئه‌ندامێن ناتۆیێ، ل گۆری تركیێ ئه‌ڤ هه‌ردو ده‌وله‌ت پشتگریێ دده‌نه رێخستنا په‌كه‌كێ.
ستۆكهۆلم و هێلسینكیێ ژ بۆی رازیكرنا تركیێ كه‌تنه ناڤا هه‌ولێن مه‌زن دا، هه‌ژماره‌كه جڤینێن سێئالی هاتن ئه‌نجام دان، هه‌ری داوی جڤینا ناتۆیێ یا ل مه‌دریدێ كو د ده‌رئه‌نجاما وێ دا سوێدێ و فینلاند و تركیێ داخویانیه‌كا هه‌ڤپار به‌لاڤكرن.
د داخویانیا هەڤپارا د ناڤبەرا سوێد، فینلاند و ترکیێ دا هات راگهاندن کو ستۆکهۆلم و هێلسینکی دێ هه‌ولێن خوه و لێپرسنێ ل سه‌ر چالاكیێن په‌كه‌كێ یێن وه‌كه له‌شكه‌ر كرن، كۆمكرنا دراڤی ده‌ست پێ بكن، هه‌موه‌خت ستۆكهۆلم و هێلسینكی دێ ده‌ست ب لێپرسینان ژ بۆ راده‌ستكرنا په‌كه‌كه‌یی یێن كو ل تركیێ لێگه‌رین ل سه‌ر وان تێ كرن.
سەرۆکەرکانیا ترکیێ ژی راگهاند کو د ئەنجاما هەڤدیتنێن کو بوونە سەدەما قەبوولکرنا ئەندامتیا هەر دو وەلاتان د رێخستنا پەیمانا ئاتلانتیکا باکور ناتۆیێ دا، وان «هەڤکاریا تام» ژ فینلاند و سوێدێ وەرگرتیە.
