ئەڤ داخویانیا وەزیرێ دادێ یێ ترکیێ پشتی وێ یەکێ دهێت، دوھی رۆژا یەکەما لووتکەیا ناتۆیێ ل مادریدێ، ترکیە، سوێد و فنلاندایێ بەلگەیەکا ژھەڤتێگھیشتنێ ئیمزا کرن و ترکیێ راگھاند، ئێدی پشتەڤانیا ئەندامەتیا ھەر دو وەلاتان د ناتۆیێ دا دکە.
ل گۆر مەدیایا جیھانێ ژی، ل ھەمبەر رازیبوونا ترکیێ ژ بۆ ئەندامبوونا وان ھەردو وەلاتان ل ناتۆیێ، سوێد ژ داخوازا ئەنقەرێ رازی بوویە کو ئەو کەسێن ترکیێ داخوازا وان ژ سوێدێ دکە و ناڤێن وان د لیستەیا رێخستنێن قەدەغەیێن ترکیێ دا نە، رادەست بکە.
د لیستەیا کو ئەنقەرێ پێشکێشی ستۆکھۆلمێ کریە دا، 33 ناڤ ھەنە، پرانیا وان کوردن و یێن دن ژی ب گومانا ئەندامەتیا تەڤگەرا گولەنن، لێ پرانیا وان کەسان، وەلاتیێن سوێدێ نە. ھەتا کو د لیستەیێ دا ناڤێ پارلامەنتەرا سوێدی «ئامینا کاکاباوە» ھەیە کو ئەو کوردەکا رۆژھلاتێ کوردستانێیە و چ پێوەندیا وێ ب ترکیێ ڤە نینە.
