باباجان: نابە ھەدەپە ل دەرڤە وەرە ھشتن

باباجان: نابە ھەدەپە ل دەرڤە وەرە ھشتن

سەرۆکێ گشتی یێ پارتیا «دەڤا» دبێژە، پێویستە نامزەدێن ئالیێن ئۆپۆزسیۆنێ کەسەک بە، د گەرا یەکەم دا بهێت ھلبژارتن و نابە ھەدەپە ل دەرڤە وەرە ھشتن.

سەرۆکێ گشتی یێ پارتیا «دەڤا» عەلی باباجان دا خویاکرن، ئارمانجا وان ئەوە کو نامزەدەکێ دیار بکن کو د گەرا یەکەم یا ھلبژارتنێ دا بهێت ھلبژارتن، ئەگەر نا، ھەر پارتی دکارە نامزەدێ خوە دەستنیشان بکە.

باباجان گۆت، پشتی گوھەرتنا دەستھلاتێ، ب ئاوایێ یاسایی نەبە ژی، ب کرداری دڤێ سیستەما پارلامەنتەری بهێتە دانین.

باباجان بال کشاند ل سەر گرینگیا ھەدەپێ و گۆت، ھەتا نھا لگەل ھەدەپێ دا پێوەندیا وان یا راستەراست نینە، لێ بەلێ نابە ھەدەپە ل دەرڤە بهێت ھشتن.

ئەڤ یەک د دەمەکێ دایە، سەرۆکێن شەش پارتیێن ئۆپۆزسیۆن ئیرۆ جارەکا دن دجڤن. د جڤینا پێنجەمین یا وان ئالیان دا، نایێ چاڤەرێکرن نامزەدێ ھەڤبەش بۆ سەرۆکۆماریێ بهێتە دەستنیشانکرن.

سەرۆکێن گشتی یێن پارتیێن ئۆپۆزسیۆنێ «کەمال کلچدارۆغلو، مەرال ئاکشەنەر، عەلی باباجان، ئەحمەد داوودئۆغلو، تەمەل کارامۆلائۆغلو و گولتەکین ئویسال» بۆ جارا پێنجان ئیرۆ دجڤن. سەرۆکان ناڤێ جڤینێ کرنە، لووتکەیا سێیەم یا موستافا کەمال.

ل گۆر ئاگاھیان، نایێ چاڤەرێکرن نامزەدێ سەرۆک کۆماریێ بهێتە دیارکرن، لگۆر ئاگاھیان، نامزەد مەھا تەباخێ دێ هێت دیارکرن.

ژ ئالیێ خوە ڤە ژی، ھەدەپە رەخنەیێن توند ل پارتیێن ئۆپۆزسیۆن دگرە کو ھەلوەستا وان دەرباری چارەسەریا پرسا کورد دا دیار ناکن. ئەگەر پارتیێن ئۆپۆزسیۆن ھەلوەستا خوە نەگوھەرینن، دڤێ داخوازا پشتەڤانیێ ژ وان نەکن.

پوستێن ھەمان بەش