وەزیرێ دەرڤەیێ ترکیێ مەڤلوت چاویشئۆغلو جارەکە دن هەولێن رووسیا و ئامەریکایێ یێن ژ بۆ نەهشتنا ئەنقەرێ ژ ئه‌نجامدایینا ئۆپەراسیۆنەکە لەشکەری ل باکورێ سووریێ رەد کر و تەکەز کر کو وەلاتێ وی دێ «تشتێ پێویست بکە».
چاویشئۆغلو گۆت: «مە گەلەک جاران نەرازیبوونا خوە ژ ئالیکاریا ئامەریکا یا ژ بۆ یه‌په‌گێ ئانی زمان، دەما مژار دبە ئەولەهیا نەتەوەیی، فەرق ناکە کی چ دبێژە و چ دبێژە – ترکیە د چارچۆڤەیا هقووقا ناڤنەتەوەیی دە چ پێویست بە دکە».
چاویشئۆغلو دەستنیشان کر کو مافێ رووسیایێ و ئامەریکایێ تونەیە کو ژ ترکیەیێ را تشتەکی ببێژن و وها گۆت: «ئەم ژ گاڤێن رووسیایێ نەرازینە، ئەم د ڤێ مژارێ دە شەفافن».
وەزیر تەکەز کر کو ترکیە ژ بۆ ژناڤبرنا هەر گەفەکە کو ژ ئالیێ سووریێ ڤە وەرە سەرێ وێ دودل نابە.
بەری نها رووسیایێ نەرازیبوونا خوە ل هەمبەر ئۆپەراسیۆنەکە موهتەمەلا ترکیێ ل رۆژئاڤا كوردستانێ نیشان دابوو و داخواز ژ ئەنقەرێ کربوو کو ب ئاوایەکی ئاشتیانە ژ بۆ رەوشا سووریێ ل چارەسەرییان بگه‌ره.
