بەشا هاوارچوونێ یا ل باژارێ نیۆیۆرکێ، رێنمایێن خوەپاراستنا د دەما بکارئانینا چەکێ ئه‌تۆمی دە بەلاڤ کر.
مەدیایا ئه‌مەریکایێ ئیرۆ سێشەمبێ 12ێ تیرمەها 2022ێ راگهاند، بەشا هاوارچوونێ یا باژارێ نیۆیۆركێ یا ئه‌مەریکایێ رێنمایێن پێویست ژ بۆ دەما بکارئانینا چەکێ ئه‌تۆمی بۆ وەلاتیان بەلاڤكر و داخواز کر کو د وێ دەمێ دا ژ پەنجەرە و دەریان دوور بکەڤن و خوە ل ژێرزەمینان ڤەشێرن.
بەشا هاوارچوونێ یا باژارێ نیۆیۆركێ ژ وەلاتیان داخواز کریە، د دەما بکارانینا چەکێ ئه‌تۆمی دا خوە ژ جلوبەرگێن کو باندۆرا رۆناهیێ ل سەر دروست دبیت، دوور بێخن.
هەروه‌ها دیار کریە کو دڤێت د دەما ئێریشا چەکێ ئه‌تۆمی دا ژ خوەشوشتنێ دوور بن و ل بەندا وان رێنمایان بن، کو ب رێیا تەلەفۆن و مەدیایێ ڤە دهێنه به‌لاڤ كرن.
بەشا هاوارچوونێ ئەشکەرە کریە، ئێریشکرنا سەر نیۆیۆركێ ب چەکێ ئه‌تۆمی، پێشبینیەکا دوورە، لێ بەلێ دڤێت نیشتەجیێن باژێر، ڤان رێنمایان بزانن.
د 24ێ سباتا 2022ێ دا شەرێ ئوکراینا دەست کریە، رووسیایێ ل رۆژهلات و ناڤەراست ئێریش کر سەر ئوکراینایێ، وەکە کارڤەدانەک، ئه‌مەریکا د ئالیکاریکرنا سەربازی و مرۆڤی دا بۆ كیێڤێ بەردەوامە، ڤێ یەکێ ژی مۆسکۆ نیگەران کریە.
