ئيستخباراتا ئيرانێ ئیتيلاعاتێ راگهاند، هێزێن وان 10 کەس ژ ئەندامێن پارتیێن رۆژهلاتێ کوردستانێ ل پارێزگەها ئورمیێ دەستەسەر کرنە.
د داخویانیەکە نڤیسکی دا ئیتيلاعاتا ئیرانێ راگهاند: هێزێن وان ب هاریکاریا سپایێ پاسداران ل پارێزگەها ئورمیێ ئەندامێن تۆرەکا سەر ب هێزێن دژبەرێن کۆمارا ئیسلامی یا ئیرانێ دەستەسەر کرنە.
ئیتيلاعاتا ئیرانێ وان کەسان تۆهمەتبار دکەت کو خواستنە ئێریشی سەر ناڤەند و سازیێن ئابۆری بکن و کارێن وەکە تەقین و تێکدانا جهێن حەساس بکن.
داخویانیا ئیتيلاعاتا ئیرانێ د دەمەکێ دا یە کو رۆژێن بۆری هەژمارەک وەلاتیێن سڤیل ل باژارێن «شنۆ، مهاباد، پیرانشار و میاندووا» ژ ئالیێ هێزێن ئیتيلاعات و سپایا پاسداران ڤە هاتنە دەستەسەرکرن.
