ل گۆر نووچەیەکە ئاژانسا AFPیێ، سەرۆک کۆمارێ ترکیێ دیسا گەفێ ل ئەندامبوونا سوێد و فینلاندایێ بۆ ناتۆیێ دخوە.
سەرۆک کۆمارێ ترکیێ رەجەب تەییب ئەردۆگان ئیرۆ پشتی جڤینا کابینەیا خوە ئاخڤی و دیار کر، ئەگەر سوێد و فینلاندایێ ژ بۆ ئەندامبوونا ناتۆیێ شەرتێن یاداشتنامەیا کو ئیمزە کرنە، ب جھ نەینن، ئەوێ ڤێ پێڤاژۆیێ بدن سەکناندن.
رەجەب تەییب ئەردۆگان راگھاند: “ئەم دبینن کو سوێد دیمەنەکێ باش نادە خویاکرن. سەکنا مە وەکە ترکیێ گەلەک زەلالە. ئێدی ئەو دزانن.”
بەریا نھا ژی وەزیرێ دەرڤەیێ ترکیێ مەولود چاوشۆغلو راگھاندبوو، ئەو بەلگەیێن کو سوێد و فینلاندایێ ل سەر کەسێن داخوازکری ژ بۆ ئەندامبوونا خوە د ناتۆیێ دا ژ بۆ ترکیێ شاندنە، داخوازێن ئەنقەرێ تێر ناکە.
مەولود چاوشۆغلو گۆتبوو، ترکیێ گۆتیە ناتۆ، سوێد و فینلاندایێ کو ئەنقەرە دەربارێ ئەندامبوونا وان دا ل سەر شەرتێن خوە رژدە، ئەندامبوونا وان ل سەر بەرسڤێن وان ھەردو وەلاتان (سوێد و فینلاندا) بۆ مەرج و خوەستەکێن ترکیێ ڤە گرێدایییە.
