موقتەدا سەدر ل سەر ئێریشا ئیرۆ یا ترکیێ داخویانیەک توند دا

موقتەدا ل سەر ئێریشا ئیرۆ یا ترکیێ داخویانیەک توند دا

 رێبەرێ تەڤگەرا سەدر موقتەدا سەدر د پەیامەکێ دا تۆپبارانا زاخۆ شەرمەزار کر و راگھاند، بێشەرمیا ترکیا گھیشتیە ئاستەکێ کو دبێژە قەی ئیراق نکارە بەرسڤا وێ بدە.

موقتەدا سەدر دیار کر، کو ئەو وەکە پێنگاڤا یەکەم پێشنیار دکە کو ب رێیا ڤان خالان یان ژی ھندەک ژ وان بەرسڤا ترکیێ بهێتە دایین:

یەکەم: ئاستا نوونەراتیا دیپلۆماسیا ترکیێ بهێتە کێمکرن.

دویەم: ھەموو دەریێن سینۆری و بالافرگەھ ل بەر ترکیێ بهێنە گرتن.

سێیەم: دۆز ل نەتەوەیێن یەکبوویی ل دژی ترکیێ بهێت ڤەکرن و بلەز بهێت کرن.

چارەم: رێکەفتنا ئەولەھیێ یا لگەل ترکیێ بهێت بەتالکرن.

رێبەرێ تەڤگەرا سەدر دەستنیشان کر کو بۆمبەبارانکرنا پارێزگەھێن باکور و ھەرێمێ ل ناڤ و ژ دەرڤە، ئێدی نایێ تەحەمولکرن.

ئیرۆ 20ێ تیرمەھا 2022یێ، د ئەنجاما تۆپبارانا ترکیێ دا ل سەر ناڤچەیەکا گەشتیاریێ یا زاخۆ، 9 کەس ھاتن کوشتن و 26 کەس بریندار بوون.

وەزارەتا تەندروستیێ یا ھەرێما کوردستانێ راگھاند، گەشتیارێن کو جانێ خوە ژ دەست دان، ھەموو جوان و زارۆکن.

پوستێن ھەمان بەش