وەزارەتا دەرڤەیا ئیراقێ ب فەرمی بالیۆزێ ترکیێ بانگی وەزارەتێ کر و نامەیا نەرازیبوونێ رادەست کر و داخواز کر کو دەملدەست ھێزێن خوە ڤەکشینە.
وەزارەتا دەرڤەیا ئیراقێ ئیرۆ پێنجشەمێ 21ێ تیرمەھا 2022یێ ب داخویانیەکێ راگھاند، ب فەرمی نامەیا نەرازیبوونێ رادەستی بالیۆزێ ترکیێ یێ ل بەغدایێ «عەلی رزا گونەی» ھات کرن و ژ ترکیێ ھات خوەستن کو دەملدەست ھێزێن خوە ژ ئیراقێ ڤەکشینە.
ل گۆر داخویانیێ، ژ بەر تۆپبارانکرنا گوندێ پەرەخیێ ل سینۆرێ ئیدارەیا سەربخوەیا زاخۆیێ، کو بوویە سەدەما شەھیدبوونا 9 وەلاتیان و برینداربوونا 29 کەسان، بەغدا نامەیەکا توندا نەرازیبوونێ رادەستی بالیۆزێ ترکیێ یێ ل بەغدایێ کر و تێ دا ئەو ئێریش شەرمەزار کر، ھەروھا ھات خواستن کو بنپێکرنێن بەردەوامێن ئەنقەرێ یێن ل ناڤ ئاخا ئیراقێ ب داوی ببە.
