بەردەڤکێ سەرۆکۆماریا ترکیێ ئیبراهیم کالن، دەربارێ ئەگەرا ئۆپەراسیۆنەکە لەشکەری یا ترکیێ ل سووریێ و ل دژی رۆژئاڤایێ کوردستانێ دە راگهاند، «هەر کێلیەکی دکارە ئۆپەراسیۆن وەرە دەستپێکرن» و گۆت، ئەو دێ ژ بۆ ئۆپەراسیۆنا ل سووریێ دەستوورێ ژ ت کەسی نەخوازن.
ئیبراهیم کالن د هەڤپەیڤینەکێ دە ب بلۆمبێرگێ رە تەکەزی ل سەر هەلوهستا ترکیێ ژ بۆ دەستپێکرنا ئۆپەراسیۆنەکە لەشکەری ل باکورێ سووریێ و رۆژئاڤایێ کوردستانێ کر.
کالن دەربارێ ئۆپەراسیۆنەکە موهتەمەلا بۆ سەر ناڤچەیێن رۆژئاڤایێ کوردستانێ گۆت: «ئەم دێ دەستوورێ ژ ت کەسی وەرنەگرن.نە مەجبوورن کو دەمێ ژ ت کەسی را راڤە بکن. لێ د چارچۆڤەیا نرخاندنا مە یا ل سەر مەترسیێن ل سەر ئەولەهیا خوە دە، د هەر کێلیێ دە دبە کو ئۆپەراسیۆنەک وها وەرە کرن».
ترکیە گەفان دخوە کو ژ بۆ پاراستنا ئەولەهیا خوە یا نەتەوی و پاراستنا سینۆرێن خوە یێن ب سووریێ رە، دێ ئێریشی ناڤچەیێن د بن کۆنترۆلا یەکینەیێن پاراستنا گەل یهپهگێ و هێزێن سووریەیا دەمۆکراتیک ههسهدێ دە بکە، ژ بەر کو ئەنقەرە وان هەردو هێزان وەکە باسکێن پهكهكێ یێن ل سووریێ دبینە و وان وەکە رێخستنێن تەرۆریست ب ناڤ دکە.
