سەرۆکێ ئاژانسا ئاەتۆمی یا ئیرانێ محەمەد ئیسلامی دەربارێ بەرنامەیا ئەتۆمی و پەیمانا ئەتۆمی یا 2015ێ دا داخویانی دا.
ل گۆری نووچەیا مالپەرا “ئێنتێخاب” محەمەد ئیسلامی گۆتیە، “ئیران نھا خوەدی وێ شیانا تەکنیکییە کو دکارە بۆمبەیا ئەتۆمێ چێکە، لێ نھا د رۆژەڤا وان دا نینە.”
ئیسلامی ھەروھا رەخنە ل ئاژانسا ئەتۆمی یا ناڤدەولەتی گرتیە و داخواز کریە، ل ھەمبەر وان چێکەر تەڤبگەرن و گرنگیێ ب تاوانباریێن بێ بنگەھ نەدەن.
ل ئالیێ دن جیگرێ وەزیرێ دەرڤەیێ ئیرانێ و سەرۆکێ شاندا دانوستاندنێن پەیمانا ئەتۆمی عەلی باقری، دوھ 31ێ تیرمەھێ ل سەر حەسابا خوە یا تویتەرێ راگھاندبوو کو ھەگەر ئامەریکا ئامادە بە، ئەو ژی ئامادە نە د دەمەک کورت دا دانووستاندنێن ڤەگەرا ل پەیمانا ئەتۆمی بگھینن ئەنجامێ.
