بالیۆزا ئامەریکا ل ئيراقێ ئالينا رۆمانووسکی بانگ ل ئالیێن سیاسی یێن ئيراقێ کر کو په‌یمانا شنگالێ و یاسایا رزگارکرنا ئێزدیان ژ دەستێ رێخستنا تەرۆریستا داعشێ پێک بینن.
رۆمانووسکی د تویته‌رێ دە وها گۆت: “ئەم بانگ ل هەموو ئالیان دکن کو پەیمانا شەنگالێ و یاسایا رزگارکرنا ئێزدیان ژ دەستێ داعشێ پێک بینن.”
ل 9 ئۆکتۆبەرا سالا 2021، حکوومەتا فەدەرالا ئیراقێ و حکوومەتا باشوورێ کوردستانێ ئیلان کر کو پەیمانا ئاسایی کرنا رەوشا شنگالێ هاتیە ئیمزە کرن، ل گۆری پەیمانێ پێویستە پککە و میلیشیایێن گرێدای وێ ژ شنگالێ دەرکەڤن، لێ بەلێ هێژان ئەڤ یێک پێکنەهاتیە.
د سەر داگیرکرنا شەنگالێ یا ژ ئالیێ چەتەیێن دەولەتا ئیسلامی یا ئیراق و بیلاد ئه‌لشام داعشێ و قرکرنا ئێزدیان ڤە 8 سال دەرباس بوون.
رۆژا 13/11/2015ێ هێزێن پێشمەرگەیێن کوردستانێ، د ئۆپەراسیۆنەکە ب سەرپەرشتیا سەرۆک بارزانی دە، شنگال ژ دەستێ چەکدارێن داعشێ رزگار کرن.
