وەزیرێ دەرڤەیێ ترکیێ مەڤلوت چاويشۆگلو د 13 مین کۆنفەرانسا بالیۆزان دە دەربارێ سووریە و ئيراقێ ئاخڤی و گۆت: «ژ بۆ یەکپەرچەبوونا هەر دو وەلاتان گرینگیا ئۆپەراسیۆنێن وان يێن لەشکەری هەنە و ژ ئيراقێ داخواز کر کو په‌كه‌كێ وەک رێخستنەکە تەرۆرێ راگهینە».
وەزیرێ دەرڤەیێ ترکیێ مەڤلوت چاويشۆگلو ل ئەنقەرێ د ڤەکرنا 13مین کۆنفەرانسا بالیۆزان دە ئاخڤی.
چاويشۆگلو د ئاخافتنا خوە دە ئاماژە ب وێ یەکێ دا کو ل دەرڤەیی سینۆرێ ترکیێ 4 هەزار کیلۆمەترە ژ بۆ ڤەگەرا کۆچبەرێن سووریێ پاقژکرنە و ئەگەر نه ژ ئۆپەراسیۆنا وان با نه داعش و نه‌ژی یه‌په‌گه ژ وێ دەرێ دەرنەدکەتن.
مەڤلوت چاويشۆگلو د ئاخاڤتنا خوە دە وها گۆت: «ئەم پێشڤەچوونێن ل جیرانێ خوە ئیراقێ ژ نێزیک ڤە دشۆپینن، ئەم دخوازن ئیراقەکە ئارام و ب تەمامی ل سەر هەر دەڤەرا ئاخا خوە سەروەر ببینن، هەبوونا په‌كه‌كێ ل وێ دەرێ بەشەکە گرینگ یا پەیوەندیا مە یا ل گەل ئراقێ یە، بەری هەر تشتی ئەم ژ ئیراقێ داخواز دکن کو په‌كه‌كێ وەک رێخستنەکە تەرۆرێ راگهینن و گاڤێن پراكتیکی ل بەرامبەر ڤێ رێخستنێ باڤێژن، هەتا ئەڤ داخوازا مە بێ جیبجیکرن ئەمێ ل سەر وەرگرتنا تەدبیرێن ئەولەکاریا خوە بەردەوام بن».
