شێورمەندێ ئاساییشا نەتەوی یا ئیراقێ قاسم ئەعرەجی و بالیۆزێ یەکیتیا ئەورۆپایێ یێ ل بەغدایێ ڤیلییه ڤاریۆلا، دەربارێ رەوشا سیاسی و ئەولەھییا ئیراقێ دا جڤیان.
قاسم ئەعرەجی د ھەڤدیتنێ دا لگەل ڤیلییه ڤاریۆلا، رەوشا ئەولەھی و سیاسی و ھەڤکاریا ناڤبەرا بەغدا و جڤاکا ناڤدەولەتی گۆتووبێژ کرن.
ئەعرەجی راگھاند، ژدەستدانا کۆنترۆلا کامپا ھۆلێ، ل سەر ئاساییشا ئیراق و ناڤچە و جیھانێ ب گشتی، گەفە.
کامپا ھۆلێ ل باژارێ حەسەکێ یێ رۆژئاڤایێ کوردستانێیە و کامپا ھەری مەزنا مالباتێن چەکدارێن داعشێیە و 71 ھەزار کەس تێ دا دژین.
ل کامپێ 20 ھەزار ژن و 50 ھەزار زارۆک ھەنە، ھەروھا 400 چەکدار پاسەوانیا کامپێ دکن.
بەریا نھا، وەکیلێ وەزارەتا کۆچ و کۆچبەران یا ئیراقێ کەریم نووری راگھاندبوو، 71 ھەزار کەس ل کامپا ھۆلێ نشتەجی نە، کو ژ وان 29 ھەزار کەس خەلکێ ئیراقێ نە.
