ل گۆر راپرسیا داوی یا لێکۆلینا یۆنەیلەم، %58 بەشدارێن راپرسیێ گۆتنە «ئەم قەت دەنگێ خوە نادن ئەردۆگان» و %63 ژی گۆتنە «ترکیە نەباش تێ برێڤەبرن».
رێڤەبەرا لێکۆلینا یۆنەیلەم دەریا کۆمورجو، ئەنجامێن راپرسیا داوی یا دەربارێ هلبژارتنێن 2023ێ یێن ترکیێ ئەشکەرە کر.
ل گۆر ئەنجامێن راپرسیێ ل سەر پرسا «د هلبژارتنا 2023ێ دە ئەگەر ئەردۆگان جارەکە دن ببە بەربژێرێ سەرۆککۆماریێ هون دێ دەنگێ خوە بدنێ یان نا»، %58.4 ژ بەشداران گۆتنە «ئەم قەت نادنێ» و %30.7 ژ بەشداران ژی گۆتنە «ئەم دێ دەنگێ خوە بدن ئەردۆگان»، هەروها %9.2 ژ بەشداران ژی گۆتنە «ئەم بێ بریارن».
دەربارێ پرسا «ترکیە چاوا تێ برێڤەبرن» ژی، %63.7 ژ بەشداران گۆتنە «نە باش»، %23.1 ژ بەشداران گۆتنە «باش» و %12.4 ژی گۆتنە «نەباش نەژی خراب» تێ برێڤەبرن، هەروهها %0.9 ژ بەشداران ژی گۆتنە «ئەم نزانن».
