رێکخراوێن نەتەوەیێن یەکبوویی و یێن ناڤدەولەتی ل پارێزگەهێن باشوورێ ئیراقێ مەترسی ل سەر هەیە و د نها دا ئەو دودلن د کارکرنێ دا.
ل گۆر ئاگاهیێن تایبەت یێن پێگەها «دارکا مازی»، رێخستنێن سەر ب نەتەوەیێن یەکبوویی و رێخستنێن دن یێن ناڤدەولەتی کو ل باژارێن باشوورێ ئیراقێ دخەبتن، کەتینە د بن مەترسیێ دا، ئەڤە ژی ب سەدەما هەبوونا گەفێن چەکداری ل سەر ڤان رێخستنان، داخستنا ئۆفیسێن UN-IOM ل پارێزگەهێن نەجەف و بابلێ و هنارتنا کەسێن د ڤان ئۆفیسان دا کار دکن ژ بۆی مالێن وان، باشترین بەلگە و میناکن ل سەر ڤێ مژارێ.
چاڤکانیێن پێگەها «دارکا مازی» ئاشکەرا کرن، ئالیێن بەرپرس ئاموژگاری ل ئۆفیسا رێکخراوا DRC کریە ژ بۆ داخستنا ئۆفیسا خوە یا ل باژارێ نەجەف و ڤەگوهەستنا تەڤ پرۆژە و کارێن خوە ژ بۆی باژارێ بەغدایێ یان یەک ژ باژارێن دن یێن باکورێ ئیراقێ و داوی ئانین ب کارکرنا کارمەندین خوە.
ژ ئالیەک دن رێکخراوا HERARLAND یا ئامەریکی کو هەڤبەشا کۆمیسیۆنا کاروبارێن کۆچبەران UNHCHRێ یە تەڤ پشتەڤانیێن ماددی یێن ئامەریکایێ ژ بۆی ڤێ رێخستنێ راگرتنە کو ژ ئالیێ ئاژانسا گەشەپێدانا ناڤدەولەتی یا ئامەریکی USAID ڤە ل پارێزگەهێن “نەجەف، کەربەلا، ئەلموسەنا، میسان و زیقار” چالاکیان ئەنجام ددە، د نها دا ب تەنێ ئۆفیسەکا بچووک ل بەسرایێ مایە
